رفقـًـا

البارت الأول

وتشاء أنتَ من البشائر قطرةً
‏ويشاء ربُّك أن يُغيثك بالمطر
‏وتشاء أنتَ من الأماني نجمةً
‏ويشاء ربُّك أن يناولك القمر
‌‏وتشاءُ أنتَ من الحياة غنيمةً
‏ويشاء ربُّك أن يسوق لك الدُرر
‏وتظل تسعى جاهدًا في همةٍ
‏والله يُعطي من يشاءُ إذا شكر
‏والله يمنع إن أراد بحكمةٍ
لابُد أن ترضى بما حَكَمَ القَدر

رفقــًا
زَينب

_____________*

_ولجن گومن والله موتني

: يمه شني موتناج هاج گايمين هاي كعدن وضليت اشيل الغطه من خواتي حتى يكعدن

_ لججج بنت الكلبب وينججج

_هسه جايه

: ضليت ارجف من الخوف من سمعت ابوي يصيح وخواتي وحده تباوع للثانيه وترجف
شويه واجت امي باوعنالها گبل بدون ماتباوعلنه انطتنه شنو راح نسوي وره مانتريگ

_ امي ضابط شنو تنطينا اوامر وتروح ياربي الصبر لشوكت اصبر

: جميلة فدوة سكتي البينا مكفينا

_ امشي ولي امينه ترا روحي طلعت كافي كاااااافيييي ضلت تصيح وطلعت

: طلعت وراها وشفت ابوي هو بس شافها طكها راچدي وتفل عليها

_بنات الكلب ابن سطعش كلب طلعت رواحتچن مو انعل شيب ابيچن

: شفت اختي سكتت وتباوع ليجوه خلص حجيه تفل علينا كلنه وطلع وسد الباب واستلمتنا امي

_ حيل بيج والله تعرفين موجود المن تصيحين المن تتأففين المن تحجين حجي خايس مثلج امشي يلا لااكسرج تكسر

: مشينا كلشرطه وراها وغسلنه شكو كاشيه بالبيت وكمنا ندرس الواجبات خلصنا اجه ابوي من الجامع من يجي يصير البيت صمت مابي نفس وبس هو يصيح 

_تقبل الله

_ بصياح سوينا العلينا بقت يمه يتقبل مايتقبل
_ اي ان شاء الله يتقبل

_ اي يلا خوش صبي غده طلعت معدتي من الجوع

_ خوش

: خذتنا كلنا اصلاً مانبقى يمه كلنا نركض وراها الامان الوحيد صبينا غده ماناكل هواي خاف يصيح علينا كمنه اربعتنه غسلنه شكو شي وصخ وركضنه للشارع نلعب بالشمس وي جهال الجيران والمنطقه

كلنا نتجمع ونجمع شكو شي حلو من الزباله من قوطي معجون من قوطي روبه من جدر مخسوف من خاشوكه معوجه من گونية نسويها حصيره ونكعد عليها من قماش من اللعاب نجمع كلشي ونجي يم البيت نسويلنه فد بيت وبيوت وكلنا نلعب ونرش الكاع حتى تصير بارده ونكدر نكعد عليها وماتحرگنه

جنه رغم الحر والاجواء مستمرين نلعب ونخيط ونصنع من الاشيء شيء

_ اميييينه امينه شوفي خرب نعاليييي السويتي الييي شوفيييي