رفقـًـا

البارت الثامن والعشرون

اسيل:
بده الدوام وضليت اغار علي من البنات واعرف شلون يباوعن اتذكرت الجانن وياي شلون يتغزلن بي

ضليت اكتم الغيره مالي دخل هو مايحجي شي وبعده على نفس الحب والاهتمام وشنو مشتهيه يجيبلي

ويطلعني يغير من نفسيتي من اشوفه يرتب نفسه ويروح للكليه اتحرمس كل ماتخلص محاضره اتصل علي

ايع شگد مريضه شنو السالفه هيج ماعندي ثقه بي

ضليت اشغل نفسي بكلشي اشتريت كتب روايات انگليزي وضليت اقره حتى من يجي هو يلگاني اقره
ويعوفني ويضل يشتغل

ونحضر فلم اجنبي ونضل نترجمه
جاي يزيد لغتي اكثر ويريدني اصير مثله

احلى شي نشوفه مو مترجم وهو يترجم مرات الي تقن اللغة تقن

ونشوف فلم رعب ومو اضل خايفه هو بابسط الاشياء يخوفني يفتح الباب حيل لو يگرص رجلي باصابع رجله لو يدحگها ويخليني اطفر

مو زين عالبيبي حييدر

_ شمسوي للبيبي اني دااخوف ام البيبي

: اي ميصير الخوف عشان البيبي

_ وينو هو البيبي

: انه البيبي

_ اروحلو فدووه للبيبي اني

: تره بديت احبك

_ هو اليعيش ويايه مايحبني بربچ؟

: لا ابد يحبك ويحب امك لان خلفت هيج وليد

_ اندارلج سبع فدوات على گولة اهلنا

: ليش سبعه؟ شويه

ضحك وگال
_ يابه اندارلچ فدوه كلي

: اسم الله عليك ابو اطفالي

_ وعليچ ام اطفالي

: خلي اكتبك بالواتساب ابو اطفالي

_ لا كتبي
ياكُل ودي

: اوويلييي چا شگد اودك ياكُل ودي

_ الله الله
عجل يابه شحلاتچ انتي
فلا هوى بعد هواكِ يهتوى..

: حضنته بكل حب
حبيبي مااحبك هواي احبك دائماً لان الهواي يخلص والله

_ اويلي يابه حبيبتي التتغزل
من يمتى حبيتيني؟

: هيج من اول يوم انخطبنا دخلت بگلبي والله

_ يابه نيالييي والله

: عفنا الفلم وضلينا واحد يتغزل بالثاني

وردت اروح لمدينة الالعاب واخذني وصعدنا الالعاب الجانت بنفسي واصرخ من كل گلبي وحيدر يضحك عليه
وبالسفينه غطى عيوني حتى مااصرخ بس گلبي طار

ونزلنا اكلنا شاميه وذره واندومي والضحكه على وجهي كلساع اضحك وگلي

_لاتسقطين انوب