فتره الحمل مرت ووصلت للشهر الاخير واحنه محاطين اسامي اجه كال
_ اذا ولد اسمي يوسف
: واذا بنيه؟
_ مادري بعدني مامفكر
: باوعتله وسكتت
يوم ثاني كاعده وعمتي كالت
_ امشي نروح لهاي الدكتوره هنايه
نشوف شنو بيج ولد بنيه؟
: باوعتلها وجان عندي فضول اعرف بدلت ورحت وياها جنت خايفه خاف تطلع بنيه ويضوجون فحصتني
_بنوته الله يگومج بالسلامة ..
گبل باوعت لعمتي بهت وجها بسرعة
گمت مشيت وياها وضلت تحجي عبالك وي نفسها بس سمعتني شحچت
_ هو اني خايفه خاف مثل امها ولد واحد والبقيه بنات انوب طلعت اول وحده بنيه رح تسطرهم بنات براس اياد يامسكين يامگرود
رجعنه للبيت گالت للكل بنية
الكل ضاج!
ليش شنو ..
انتظرت اياد يجي اجه بابتسامته
امه اول مادخل كلتله هو بسرعه باوعلي وعرضت ابتسامته
_ الحمدلله والشكر اهمشي بصحة وعافيه مو لازم ولد او بنيه نفس الشي
: باوعتله ودمعت عيوني
غمزلي عود روحي للغرفه رحت واجه وراي حضني حيل ونزلت دمعته كبل شهكت وياه
_ ابجي من الفرحه مدري من لان بنيه وتشبهج خلقه واخلاق هنياله الرباج
: حبيبيي جريت الكلمه حيل
وحضنته انه وفرحانه
اهمشي هو فرح ماحاجه هم يفرحون
كلتله يعني ماتريد ولد؟ .
_ هو بنيه مابيها شي الحمدلله على كل حال بس الولد هم ينراد تره
: ادري بيك ان شاء الله يجي الولد بعد عمر كدامنه وطول العمر سوه يارب وماعوفك بحدك طول عمرنا وهمست احبك ..
هو كلت الكلمه وشالني وضل يضحك ويصيح بذاني
_ لعد اني الما أحبچ يخسر المايحبچ ولچ ..
: ضليت اضحك وحاضنته
ومرت ايام جنت انظف الغرفة اجه اياد كعد عالجربايه وضل يحجي
_ اهلج باچر ترحيلهم تشوفيهم رحتلهم وافتهمت ليش ميريد
: شنو عرفت!
_ على كيفج ليش طفرتي
: لا بس شنو ؟
_ عباله انو منقبل تجين وهيج شي
: باوعتله وحسيت اكو انَ مامعقوله كلتله هو ابوي هيج كالك؟
_ اي
: ها
_ امينة حبيبتي البنوته اريد اسمها دُرر
: صفنت بوجهه وكلتله ليش هلاسم!
_ حبيته
: بس انه ماللفظ الراء اياد شلون اگول دُرر
أنت تقرأ
رفقـًـا
Mystery / Thrillerرفقًا بنا ياعمر لاتكن مسرعًا هناك أمنيات لم تتحقـق هناك أحلام لم نعيشهـا وهناك تراتيل من الفرح ننتظرها وهناك أناس لن نلتقي بهم وهناك اشخاص فقدناهم ولم نلتقي بهم ... بدأت القصة : 22/6/2022 انتهت القصة: 4/8/2022 ﮼لـ زينب
