مرت ايام واجه عمي ...
_ امينه هذا زوجج يريد يشوفج شو اتعاركت وياه شنو يشوفج وهواتعارك وضل يصيح وخبص الدنيا يكول شنو مشهوهه لو معيوبه لو شنو ..
ماتردون تشوفونياها داريد اشوفها مرتي من حقي اشوفها ابوسها اتمعن بيها انتم شنو دتمنعوني منها ع اي اساس؟
شكد ادبسزز ..
: شفت عمي وهو يقلد لهجته حصرتني الضحكه
وعمي وهو شايط يحجي ومعصب باوعلي وهو عاگد حواجبه
_روحي لبسي شي مستور وطلعي راح ادخله للديوانيه
: رحت لبست اي شي ولفيت الشال وباوعت لوجهي وكارهه كلشي حتى اسمه ماعرفه شنو حلو لو مو حلو؟ هزيت راسي وسلمتها لله ورحت شفت عمي واكف وعاكد الحواجب مبين هم مضوجه
_ هسه ارفس ببطنه رجلج
: شسوه عمي؟
_ يكلي هسه تطلع تخرع واذبها عليكم اذا هيج عمها حلو شلون هي الله يساعدنا على مابلانا
: حصرتني الضحكه اكثر وماكدرت اكتمها وضحكت هو طگني على راسي وضل يغلط علي
_ چلبه تضحك نوب هو الحلو شعره مشيب
: باوعتله وضحكت واتخيلته چبير ومشيب ضليت اضحك على حظي الطاح بهيج عائلة وزوج
وكفت كبال الديوانيه وانه ميته خوف وارجف وكلشي يرجف بيه عمي كض ايدي ودخلنا هو بس شافني وگف ع حيله انه ماشفت شي شفت بس رجلينه وعرفت وگف جنت مدنكه وجهي لو بيدي اضم وجهي بدشداشتي
_ هاي التخرع جبتها الك ..
بس صدك لو سويت بيها شي اعدمك .
_ شسوي ياعيني دابوسها واتمعن شأسوي قابل؟
_ شگد ماتستحي يااخي
_ اني هيج يااخويه بايعها للمستحى شسوي؟
_ يلا لتحجي شي زايد هاي خمس دقايق واخذها منك
_ ادري طفل اني؟ دتتنطيني لعبه ياعيني؟ العب بيها وارجعها الك بعد خمس دقايق؟
_ اي طفل بس راسك مشيب عقلك عقل طفل
_ رحم الله والديك
وانت قست عقلي وعمري على شيب راسي؟ دتحجي صدك تشاقه؟ عليك الله گول اني اشاقه
_ شلون اخوي انطاك بنته مادري على هاي اخلاقك لعبه ماانطيك .
_ يلا اتوكل عيني
خليني وي مرتي داشوفها حتى شوفه متخليني
شكد فگر دخيل الله .
_ انت ليش ماتحترم؟
_ اليحترم احترمه بالبدايه مااحترمتوني اذكرك لو ناسي ؟
_ هاك هاي مرتك كلتلك خمس دقايق واجي
_ خمس دقايق بعينك امشي اطلع يمتى مااريد اطلعها دتخليني اسوي عركه بنص بيتك هسه
: اسمع حديثهم وعدم احترامه لعمي وانه روحي راحت مااحترم عمي يحترمني؟
مستحيل!!
ردت بس اشوفه ماكدرت ارفع راسي المستحى اكلني راد يطلع عمي جلبت بايده هو كبل سحب ايدي وصار كبالي ويدفع بعمي بسرعه هو طلع وانه لو تذبحوني ماتبقى قطرة دم بجسمي مارفعت راسي لحد ماهو رفع راسي وجنت مغمضه عيوني ماريد اشوف مدري شبيه بوكتها عبالي حلم ونايمه
_ ياعيني دفتحي عيونچ دنشوف حوله لو لا؟
أنت تقرأ
رفقـًـا
Mystery / Thrillerرفقًا بنا ياعمر لاتكن مسرعًا هناك أمنيات لم تتحقـق هناك أحلام لم نعيشهـا وهناك تراتيل من الفرح ننتظرها وهناك أناس لن نلتقي بهم وهناك اشخاص فقدناهم ولم نلتقي بهم ... بدأت القصة : 22/6/2022 انتهت القصة: 4/8/2022 ﮼لـ زينب
