رفقـًـا

البارت الثالث عَشر

يوسف كبر وضل ياكل ويضحك ويريد لعب

وانه واسيل اثنينه وزاري ف متبادلين المسؤوليه وكدرت امتحن واجاوب وصارت العطله مارحتلهم ابد ولامره البنات يرحن لبيت عمه ماجده يحبنها ويحبن بناتها اجتماعيات خواتي الا انه مو كلش اجتماعيه 

وصبا الي موتتني بمزاجيتها صريخ وبچي وكتل تكتل بيه وغلط واكتلها وترجع تغلط اكثر بدلتهم هي ويوسف وخذيتهم ورحت دخلت بيبي گالت 

بيبي، الچلب العضكم كتلناه

: ضحكت وركضت اسلم عليها وكلتلها والله يابيبي امتحانات ووزاري ماشفت وجهي شلونه ضلت تضحك وياي وتسولف اجت عمه

عمه، عذريني يعمه هليام ماگدرت اجيج البيت كله عليه

: عادي عمه عاذرتج

_ سمنانه صاير عندج خدود

: عالسادس سمنانه

_ اي لعد اني الادري بي بالسادس يضعفون شلت همج شلون تنقسمين نصين انتي

: ضحكت عليها وكملت كلامها

_ من جانت ذهبه بالسادس ضعفت صار وزنها ٣٠ لو ماازاد لاحگلها بالفيتامينات والادويه چان ماتت والله

: خطيه الله يساعدها

_ اي وجازت تعبها وتعب اخوها بمعدل عالي وجابت الصيدله

: يااا حبيبتي الله يوفقها يارب

_ يوم الالج واسمع خبرج جايبه شي عالي

: عمه مالي واهس چانت معدلاتي ب٩٨ و٩٩ والله ماوصلت ٩٠وجانت امي كله تكلي دكتوره دكتوره وهسه مالي واهس وخلگ ماعرف شنو السبب سمعت من وره

_ اذا من نفقد اشخاص يصير مالنا خلگ كلنا كعدنا بالبيت ومانكمل الدنيا متوگف وانتي اكثر وحده ادرى بهلشي سوي العليج والباقي يم الله حتى مو تندمين بعدين وتضلين تندبين بروحج وبحظج من هسه خصميها

: باوعتله لكيته زين عبالي ازاد هيج يتفلسف مانتبهت للصوت وكلتله الله كريم

وضل يضحك وغير جو وضل كاض يوسف ويلعبه دخلو اسيل وتقى والبنات وزين ضل يهلي بيهن وياهلا ومية هلا بالكيك والككو والحليب وضل يقشمر بيهن وهنه مصدكات

رجعنه للبيت وضلو يجون الولد للبيت وصارت ميانه وضحك وسوالف وخاصتاً انه احسهم يحترموني ويحترمون حجيي وقراراتي خاصتاً زين ميانتي قويه وحبيته مع انو جنت ماحبه

بدت المدرسة وشديت حيلي اكثر صعبت المواد وضليت احتاج احد يشرحلي مجاي افهم من المدرسات ف كلت لازاد وخيرني بينه وبين ذهب كلتله اثنينكم اجربكم واشوف المن افتهم جربتهم اثنينهم ذهب اكضيها ضحك وشقه ومانفتهم شي ونبقى نحجي بالملابس والمكياج وسوالف

وجربت وي ازاد الي حلگي ماافكه لان ماينطيني مجال احجي او انه استحي احجي مخلي حاجز مو مثل زين يعني حتى وصلت طك نطكه ويطكنه الا ازاد سوالف اي ضحك اي ميانه زفره لا