رفقـًـا

البارت الثـلاثــون

تُقـى:
چنت مريضه وفلاونزه ومابيه حيل احضر ملابسي من الليل گلت الصبح احضرهن ونمت چفي

مافزيت غير صبا تگعدني وباوعت الساعه متأخره مابقالي غير نص ساعه ماعرفت اغسل وجهي لو اللبس ملابسي
اخذت الملابس الصارت گبالي ورحت للحمام ولبستهن شفتهن مال صبا يالله

ردت اشكهن ماانزعهن من گد السرعه طلعت امشي شفت بيهن ضيگ مابقى غير عشر دقايق ردت انزع ومااگدرت شلون يالله

ضليت اللف بالشال شفت اللبس عادي مابي شي بس شويه ضيگ رتبت نفسي جاي اللبس بالحذاء ودك هورن السايق وهلاني هلي گعد اهل المنطقه كلهم

رحت اركض ركاض حتى نسيت فلوسي وملازمي وصعدت بالسيارة ورزلني لان اتأخرت دقيقتين كالعاده ابتسم بوجهه وواسكت لان رجال چبير

وصلنا للكلية اخذنا كم محاضره لاستاذ نحيس وطلعنا نعتصم ونتظاهر
والابكوت صار كله ماي ونزعته وحطيته بأيدي اليوم كلها عكس على حظي

واول ناس شفتهم خالد ومؤمل مشيت من يم سيارتهم ومشيت سريع ماحسيت غير صيحته وراي

_ اوگفي

: التفتت وباوعت مؤمل وراي ويخزر بيه گلي

_ مالگيتي شويه اعرض من ملابسچ؟ هوايه عراض

: صفنت بوجهه ماعرف شحچي اخير شي گلتله

شعليييك؟

_ ماعندچ اخوان يشوفوچ؟

: اي ماعندي شتريد؟

_ احچي عدل لااعدل حلگچ هسه

: انت منو؟

_ معليچ

: چا لاتتدخل

_ تقبلين انظار الناس كلها على انحناءات وتموجات جسمچ ؟
هواي عراض من ناحية استغفرالله يالله

: انت شلون تتجرأ تحچي ويايه هيچ؟

_ هو اني جريئ
وداانبهچ خو ماداأذيچ ؟
عيني الشباب هنا ذيابه تنهش لحمچ ضمي للي يستاهل

: يعني انت جاي تنطيني نصيحه لو تخجلني؟

_ اي اني اريد اخجلچ حتى شويه تنتبهين انتي وين عايشه ؟

: خلص خويه شكراً وانه لان متأخره اجيت بيهم ماالبس هيچ

_ مااعرفچ اني بس من خلال لبسچ الشفته انُ ماتلبسين هيچ شي مخل للادب والاخلاق الشايلتها انتي

: بس انت شمدريك ؟

_ اني ولد واعرف النظرات ليش تخليني اگلچ انتي مشيتي وخليتي الشباب كلها صافنه وراچ

: ليشش تره مو ضيگ كلش

_ ضيگ عيني ضيگ وهوايه ضيگ ومبين شكو شي لابسته جوه

: ياااا ونزلت وجهي واشتعلت نار ماگدرت ارفع راسي بعد

_ لبسي اللابكوت وامشي ورايه