رفقـًـا

البارت الخامس عَشر

اكبر ويوسف يكبر وياي ..
جابت اول شهر صبا ناجحه الاولى وسويتلها كيكه بمناسبة وحضنها ابوي وضل طاير بيها وحضنه كلنا
وضل يبوس براسي ويشكرني على كلشي
..انه مامسويه شي يدعي هلشكر بابا

_ بابا شنو بعد تسوين اكثر من هيج يبويه

: مقصره بحقكم والله

_ مامقصره يابعد گلبي مامقصره كلشي العليج سويتي ومامقصره يبعد چلاويي
بابا اريد اگُلج شي

: كول بابا اسمعك

_ بابا اني شلون اگلج

: ضليت اشوفه حاير شلون يحجي استرسل بكلامه

_ بابا امج مكانتها بگلبي چبيره ومايوم وحده راح تاخذ هلمكان

وانتم عندي تسوون الكون واهل الكون عندي
بس اني بابا ماگدر بدون شخص يدير حياتي
صحيح مامقصره انتي
بس اني احتاج مره بحياتي
بابا شلون اگلج وافهمج.. بابا

: ضليت صافنه بوجهه وافتهمت شنو الي يريد يوصله الي
بابا وماما نسيتها بهلسرعة؟

_ بابا اني مرح انساها وامج احبها اكثر من روحي حَتى امج من عمرها 15 سنه واني احبها شفتها واخذت گلبي بضحكتها
ومن بيبيتج طلبت ان اتزوجها ماعرفتها هي بس عرفت البيت واتمنيتها هي وطلعت صدگ هي
حبيتها حب سبعينات مو حب هلوكت
وهي كذلك يمكن كلمة احبك طول ال17 سنة 5 مرات گايلتها بس اشوف كلمه احبك بكل نظره منها الي ولهفتها وضحكتها من افوت للبيت
بابا امج ذكرياتها بگلبي ومايوم انساها لو مرت مية سنة ناگعه بذاكرتي وبگلبي

:تتزوج وحده غير امي بابا؟

_ وحده وياي موظفة بالحسابات اريدها وراح اتزوج على سنة الله ورسوله وحقي هذا بابا

: بابا شنو حقك منو يگول تطلع زينه هاي الي تريد تتزوجها بابا زوجة الاب دائماً مو زينه

_ شمدريج انتي وين عرفتيها حتى مو زينه بنت ناس متربيه وكلامها معسول وماكو اي كلمه طلعت منها تخجل صارلها 5 سنين وياي

: الله يوفقك ومبروك

وخذيت يوسف وگمت باوعتله ضل صافن وراي ومسح وجهه خربط معاني وجهه وگعدت يوسف گبالي وحضنته وضليت ابچي وهو يدفع بيه
ووگف گبالي وضل يبوس بيه ويضرب بيه ويمسح بدموعي الي تطيح بدون سبب
شويه وطب ابوي باوعلي واجه حضني ..
وضل يربت على ضهري

_ مايهون عليه اتزوج على امچ واذيكم
بابا وجعتي گلبي وكل اعضائي عليچ
بابا بداعة امچ لاتبچين
هاي هي مااتزوج والله باقي يمكم ..