بيوم ماخلاني يوسف انام كلساع وكايمه ماشيه بي واحطه بالكاروك ويبجي شديت شال واهز بي متت تعب ونعاس وضل يبجي بصوت عالي وماينام ينام ثانيه بس اسكت يرجع يبجي ماكعدت احد كلها نايمه ماعرفت شسويله فتحت الكماط ومرغته ومافاد شربته
ممه مافاد
كعدت اريد العب وياه مافاد رجعت اهز بي مافاد خليته على رجلي وضل ساكت واهز بي ضل لل6 الصبح كلساع وكاعد حطيته يمي بالكاع ومافزيت غير الصبح حتى مادري يمتى نمت كمت گبل للصاله باوعت البيت نظيف وبي عطور والقنفات معدلات والميز مرتب وباوعت للمطبخ شفت اسيل واكفه تكصكص دجاج وتقى يمها جاي يحجن ويسولفن
هاي شنوو شصاير بالدنيا!
كاعداات ومحضرات شكو؟
وتكصكصين دجاج!
_ خوفتينا انتي وكفشتج شوفي وجهج سويتي بينا خوفه
: انجبي يلا احجي شكو
_ شوفي حبيبتي حصلنا رزاله من ابوي لان منساعدج على يوسف بليل شافج نايمه وفاتحه حلكج ويوسف ميت بچي يمج ماكعدتي گبل ماخذه منج واجه كعدني ويحجي حالج وضام ضحكته على شكلج
: والله تعبني امس مانام وين وديتوه هسه؟
_ بالغرفه بس صار الصبح نام
: وشنو شجاي تسوين منين الشمس طالعه اليوم؟
_ باعي يامحفوظة السلامه عمج مدري منين اجه اليوم عازم روحه بروحه وجايلنه
: ياااااا صخام وبعدنه ممسوين شي شكلج ابوي شنسوي شراح نسوي يااا هسه شسوي وضليت محتاره ماعرف شسوي افتح الثلاجه واسدها
_ دره روحي غسلي وجهج اتريكي سبحي لاتحتارين ابوي راح يجيب سمج من بره وكال سوو شي خفيف
: اي هو راح اروح تقيوه عفيه راح اسبح ديربالج على يوسف فدوه
_ لاتوصين حريص
: رحت دخلت للحمام وافكر عمي شجابه علينا يالله سبحت بسرعه وطلعت يوسف ذاب روحه فـرد ذبه ماكعد سويت سوب دجاج وتمن وجبت طرشي وكلشي حضرت
خابرني ابوي كلي راح يجي عمي باسم! اول مره اسمع بهلاسم وين جان هذا لا شنو اول مره امي معلمتني على اساميهم ومحفظتنياهم عمي الصغير هذا يلا خلي اشوفه
ضلينا وحده تردم بالثانيه واتفتح الباب وابوي صاح بصوت عالي عود يكلنا اجينا تره ضلت اسيل تحط احمر خدود وحمره واباوعلها وكاضه الشال ..
البسه لو لا؟
اسيل: كلج جايين ولد عمج وياهم شنو؟ المن لابسه شال؟
: غير اول مره نشوفه
_ واذا اول مره نشوفه غير عمنه
: عدلت شعرها وراحت تحط عطر وانه حطيت الشال
وشفت وجهي اصفر مابي قطره دم اعع هاي صارلي شكد مشايفه شكلي ليش هلكد متغيره الهالات جوه عيوني قويه العظمات الي برگبتي بارزات اكثر رگبتي صايره صبعين عرضها وجهي صغيرون وبارزه عيوني شكبرهن ضليت مركزه بوجهي ونسيت روحي
أنت تقرأ
رفقـًـا
Misterio / Suspensoرفقًا بنا ياعمر لاتكن مسرعًا هناك أمنيات لم تتحقـق هناك أحلام لم نعيشهـا وهناك تراتيل من الفرح ننتظرها وهناك أناس لن نلتقي بهم وهناك اشخاص فقدناهم ولم نلتقي بهم ... بدأت القصة : 22/6/2022 انتهت القصة: 4/8/2022 ﮼لـ زينب
