رفقـًـا

البارت التاسع عَشر

دره:
مرت الايام وضليت حياتي بين الكلية والبيت والنوم حتى يوسف مااشوفه صاير عمره ٤ سنين يعني شنو امي صارلها ٤سنين؟ شوكتتت شوكتتت كبرت انه ضليت ابچي ولطمت من گد الصدمه توه استوعبت ٤ سنين مرت وماحسيت عليهم
لا حسيت كبرت فوگ عمري عمرين احس عمري ٣٠ مو ٢١ سنة

كاعده على الانستا واتذكرت كلشي صار بي مريت بالاغاني وسمعت الاغنية المنزلينها وضليت اعيد بيها وگلبي يأذيني ودموعي على خدي

راهنت عليك وحبيتك وكلمة حب دي شويه عليك
وكل الناس قالولي بلاش قلت ده روحي وعينيا
وجالك قلب تخدعني حرام تعمل كده فيا
عايزة اهرب من الناس والدنيا انا تعبانه خلاص
انا مش لاقيه امان حواليا غريبة فوسط الناس
انا مش اول واحده تحب ويخونها الاحساس...

ضلت تنعاد و اغني وياها ودخلت تقى

_ صوتچ حلو ولچ

: ضليت اباوعلها ومسحت عيوني وابتسمت وگعدت گبالي وگلتلي

_ غني اغنية تحبينها خلي اسمع صوتج

: اغني هاي الچنت اغنيها ؟
هزت راسها
غنيتها من بيت عايزة اهرب من الناس والدنيا
وهي صافنه على حلگي ضحكت عليها بصوت عالي

_ اتذكرت زين من گال منو هاي صوتها حلو بيهن طلعتي انتي

: الله يرحمة بس مو هيج حلو

_ انجبي حلو صوتچ طالعه ع ازاد وزين سمعي

: سجلتيييي

_ ايي

: اشترالج ابوي تلفون؟

_ اي

: تقى ديربالج

_ اخذت عبره منج

: اختج صارت عبرة لمن يعتبر

_ احلى اخت شافتها عيني سندي وقدوتي بالحياة

: اروحلج فدوه

_ انه الي اروحلج فدوه ام صوت حلو

: تقى الي صارت خامس علمي وكبرت وتقى الي صارت بالرابع ابتدائي كبرنا يااامي كبرنا

ضليت احضر للتخرج ولصورة التخرج وبحث التخرج ومالي علاقه بأي شي شخص خواتي اسألهم عن يومهم واسيل الي كلما تضوج تجي يمي تحجي البداخلها وتروح وتقى الي تريد تتقرب مني وفتحت الها كل الحدود للتقرب وصبا الي كبرت وضلت تحتاجني اكثر من مااجانت تحتاجني كلشي تريد تگلي حتى روحتها للحمام تگلي راح اروح