تقى:
انه البنت الثالثه لأميـنة انه العشت من عمري ١٢
بدونها وهسه ١٩ سنة...
انه الوعيت على دره وحسبتها امي من خلال احترامي الها وحنيتها علينا
جانت ماتسأل ولاتبين بس من عيونها اشوف الحنيه الي اشتاقليتلها بعيون امـي
عشت السنين وانه اتمنى امي كلما اشتاق لامي احضن دره وهي تحضني وريحتها ريحة امي وحنية حضنها حضن امي ماعرف اذا چنت اتخيل او لا بس من احضنها احس امي موجوده وهي ماتقصر حتى چنت انام بحضنها من ينام يوسف وصبا تجي تجر بيه وتريد دره الها وهي تضل محتاره بيناتنه
اخر شي تنام بيناتنا انه على يسرتها وصبا على يمنتها
صح چنت اشتاق لامي واتمنى موجوده بس عشت حياتي ..
انه خجوله واخجل احجي من رتلة الراء مالتي من شفت دره من تحجي وكلها ثقه ولاعبالك جاي ترتل بالراء
ضليت اخذ منها قدوة وثقة بالنفس وضليت بفضلها احجي واسولف وضليت اكون علاقات يعني بالصف وي الكل احجي
اسيل الي صارت ام واخت بنفس الوقت تنصحني وتصير امي وره شويه نتكافش من الشعر ودره تتدخل حاجوز بيناتنه وهي تخمط وانه اخمط وتحصللها سطرات دره لان اسيل اطول منها وانه هم صرت اطول منها بشويه واتخيلو الموقف ودره بيناتنه
وصلت سادس ودره صار بيها مرض خبيث وراحت روحي وياها ضليت ادرس وبالي وياها واروح للمدرسة وبالي وياها شلون اذا راحت
معقوله تعوفنه مثل ماراحت امي؟ اي مثل ماعافتنا امي واحنا صغار هسه دره سوتنا كبار وراح تروح
ومن خلال هاي الفكره ضليت ابچي ودخلت اسيل
_ شبيججج انتي بعد؟
: اخاف تروح دره
_ انجبي تقى شنو السالفه بعدين ماسامعه العار مايموت ماتموت تبقى على گلبنه
: آمين
_ شبيج مسحي دموعج ودرسي وروحي يمها ضحكي وسولفي خطيه
: خذيت نصيحتها ورحت يمها وهي ترزل وتحجي لان مادرس كل مااروح لبيت جدو يسألوني عليها
بيبي وجدو وخاصةً عمو باسم البقيه يجولها للبيت ويضحكون وياها وارجع للبيت
واتشافت دره وضلت تداوم وجيم بحيث مانشوفها وانشغلت عنا كلش بحيث كلش نشتاقلها نجي نشوفها نايمه لو بالدوام لو بالجيم بس بالجمعه والجمعه تگضيها نوم ماتگعد
دره شنو السالفه گعدي شوفينا تره محتاجيج!
_ شتردون مني هاي انتي كبرتي صرتي كليه واسيل كليه بقت صبا الي شالت روحها ويوسف بعد هاي هي خلصت خلي اعيش لنفسي عوفوني
: نفسيتج تعبانه شنو دره؟
احجي شنو شصايرلج
هي باوعتلي وضلت تبچي وطلع صوت بچيه بالبدايه وطاحت بحضني ماعرف شنو البيها هي امس راحت لبيت جدو ورجعت هيج
ضلت تبجي وتحچي
أنت تقرأ
رفقـًـا
Misterio / Suspensoرفقًا بنا ياعمر لاتكن مسرعًا هناك أمنيات لم تتحقـق هناك أحلام لم نعيشهـا وهناك تراتيل من الفرح ننتظرها وهناك أناس لن نلتقي بهم وهناك اشخاص فقدناهم ولم نلتقي بهم ... بدأت القصة : 22/6/2022 انتهت القصة: 4/8/2022 ﮼لـ زينب
