رفقـًـا

البارت السادس عَشر

صارت امتحاناتي النهائية وهذا
طلع اسمة سلام ينشر صوره ورمزيات لروحه عضلات ووجه وسيم وطول وجسم وكلشي حلو

انعجبت بي وضليت مااحجي وياه من يحجي وياي اضل ارجف واخاف احد يدخل علي بس تدخل اسيل اسد التلفون وهي تباوعلي ومقلصه عيونها وتطلع من الغرفه

بيوم اول يوم امتحان رحت جاوبت اجيت لگيت ابوي بالبيت وفرحان والدنيا مسايعته ويمه سمية هم فرحانه هو بس شافني حچه

_ سمية حامل

: هو سمعت الحجايه بهت وجهي وماعرفت شحجي ضليت امتمت امي راح يصيرلها سنه ونص من متوفيه شعور ماينوصف اجه بگلبي باوعتله شفته بهتت ضحكته من شاف وجهي انه بكل قوتي ضحكت بوجهه وحجيت
الله يگومج بالسلامه ورحت للغرفه بسرعه بدون مااسمع ردها رحت اركض للغرفه

نمت بملابسي وانه ابچي كعدت على ايد انحطت على كتفي باوعت لكيتها عمه بس شفتها حضنتها وضليت ابچي

شفتي سمعتيها حامل گلبي اتگطع عمه اتگطع ماريد مكانها يروح ماريد

_ ياعمه ميروح مكان امج هي بگلبچ وحتبقى بذكريات ابوچ وبذكرياتكم امج راحت بمكان كلش حلو وراح ترتاح ودتشوفج لاتنقهرين وتضوجين ابوج حبيبتي الله يصبرج

: عمه ماعرف شعور مو بيدي راحت عمه وضليت مرت ايام وسلام وياي كل فتره يسأل شي ونضل سالفه تجر سالفه لل2 بليل وانتبه لروحي شجاي اسوي واقفل المحادثه

اتعلقت بي وبسوالفه اريد يحجي اريده يسألني عن كلشي يخص حياتي عن يومي عن كلشي بس مااتجرأت بيوم وحاجيته

خلصت المرحله الاولى ضليت اشوف اسيل هواي ضلت تروح لبيت جدو من رجعت سألتها ضلت تمتمت

تحبينه؟

_منو؟

: تعرفينه

_ اشش لاتحجين والله مو قصة احبه بس هيج ماعرف شعور غريب

:وهو يحبج؟

_ مادري منه نظرات وحركات تخليني اخجل

: ضليت اباوعلها وهي خجلانه وتحجي ومتباوع بوجهي كلتله ابن عمتج مستحيل يغدر بيج ..

_مادري مادري خالتها على الله

: راحت عني ماحجت شي ضلت تروح ماامنعها شفته يخاف عليها واكثر من مره من يشوفني يسكت مايحجي وياها عباله ماعرف وهي تضل تمتمت

ضلو بيناتهم نظرات وابتسامات وهي تكرص بأيدي من الخجل وانه اكرص بيها واخر شي خذيتها ورحت ماحجيت شي وياها لان درت جاي احجي وي شخص بالانستا وسكتت ماحجت شي ولارزلت وانه منتظرتها ترزل