رفقـًـا

البارت الرابع

وره يومين صدگ
اجه اياد حدد الزواج وي ابوي
بعد خمس ايام!!
خذتني امي وجهزتني عروسة
زين بس خلي استوعب!!
رغد چانت تشوفني وتبچي ماتگدر تسوي شي
من ايدي هذا الشي!
انه الي اعترفت على روحي وانه ممسويه شي!
ماشفته بعد غير بس من اجه چنت گاعده وصافنه
دخل ابوي باوعلي..
وقسم بالله ...

_ تطلعين لبيت زوجج وماريدج تجين النه لو شفتج اكص رجليج واذبج مكسره ع زوجج چلبه بت چلبه

: ضليت ابجي ومتت بجي وهو ماهزه ريح راح نام
ليش؟
هواي ليـش بحياتي ومالكيت الهن السبب!

صار يوم العرس واي فرحة ماكو ..
وماكو احد غير بس اهله واختي جميلة وعماتي اهله بس يخزرون بيه! شنو الي سويته؟ ليش هيج اتحمل نظراتهم زين شراح يسوولي من اصير يمهم اذا يم اهلي وهيج اهلي ضليت اضحك ع كلمة اهلي
اذا طلعت هسه بعد مارجعله ع گص رگبتي!

گضت الساعات وخذوني لبيتهم ولغرفتي الجديدة وانتظرت العريس الي ماشفت منه شي بس عدم احترام لعمي واحترام الي زين راح يبقى يحترمني هيج؟ لو ينگلب اكيد ينگلب هو منو عاملني باحترام؟ ليش اهلي احترموني يمه؟ لو شنو

ضليت اسأل بروحي واجاوب الي اعرفه لحد مادخل باوعت بوجهه جانت ضحكة وفرحة بعيونه سد الباب واتقرب وبعده ع ابتسامته راح تبقى هاي الابتسامه بعد دقيقه لو تروح؟

_ ياهلا بام عيون البيهن نعم الله شلونج ولچ

: باوعتله فاتحه عيوني ومستغربه احد يعاملني هيج جان يضحك مامعصب ويريد يكتلني! رفع ايده رجعت ليوره مغمضه عيوني ورجفت عبالي يريد يضرب راحت ثواني فتحت عيوني باوعتله عاگد حواجبه وواكف گبالي مستغرب

_شبيج؟

: ها م م مابيه شي انت شنو تريد؟

_ شبيچ خفتي ابويه؟

: ما ما ما خفت

_ لابويه خفتي بس اگلج داوخر الاكليل زعجچ

:ما ما زاعجني

_ ابويه انتي شبيج خايفه والله ما رح اسوي شي!

:ماخايفه والله ضل يريد يضحكني واستجابيت وضحكت بس اي حركه منه خايفه خاف يكتلني او يضل يغلط

مر اليوم طبيعي جنت خايفه من اي حركه منه احسه مو طبيعي بس طلعت انه الي مو طبيعيه!

_ ابويه احجي شكو شي بي راء لاتستحين داشوفج تغيرين الكلمات الي بيهم راء تره حلوه احبها احجي

: ابتسمت لا والله مااغيو(اغير) بس انه اتعودت من صغيوه(صغيرة)

_اروح فدوه اني للصغيوة

:ضحك بصوت عالي وكال الكلمه وانه ابتسمت ع ضحكته ضل يباوعلي بنظرات حلوه ومبتسم اخير شي كال بنبره خنگتني العبره منها