تُقى:
وره شهر وصدگ اجت امه لسمية وطلبتني وسمية گلتلي تعاي خلي تشوفچ
اجيت وگعدت يمها وخجلانه وهي تصلي على محمد وحطت ايدها على شعري وتحسست خدودي احسها تفحص مو لمسة عادية
بس هي وجها بشوش بس بنفس الوقت تخوف تضحك بوجهي وخواته اثنين وحده متزوجه ووحده مامتزوجه من خلال الحلقات عرفت هنه گصني گص
_ عيوني خيه تعرفين ان ابني اصغر من بنتكم بسنة او اقل
_ هاي شنو
_ بعد خيه ليش نچذب عليچ ابني شاف بنتكم وعجبته واجه يطلبها على سنة الله ورسولة وحسب الاصول
_ على عيني وعلى راسي غاليه جيتكم بس يبقى الشور لابوها
_ والنعم منكم ومن اصلكم واحنا نترخص ويبقى الشور لابوها واذا عليها هي قابله
_ ياا عزه تعرفه؟
_ لا خيه ماتعرفه بس شايفته
: سمية هو الدعمني
_ عزززه
ضحكت امه وگالت
_ خيه دعمها وعجبته مايصير؟
_ تصير زواج او حب من دعمة وضحكت
_ اي بلا عليچ
_ هههههه الله يقدم بي الخير يارب
_ والنعم بالله يلا نترخص
: راحت وانه رادت روحي يغمى عليها من الخجل والاحراج اجت سمية حاميه چنت واكفه انه گعدتني عالقنفه وگعدت يمي من قوه الگعدة طاح شالها
_ هذا عود صدگ يحچي؟
: شبيچ
_ يعني من خلال دعمه عجبتيه ؟
: مادري والله حالي حالچ
_ لاتعرفين معقوله مااحاچاچ؟
: لا حاچاني بس من تريد تجي امه ومن گلي معجب وبس هو يخاف عليه مايحچي وياي هواي
_ الحمدلله اذا بي خير الله يقدم الخير
: من اجه ابوي حچتله وهو باوعاي وگلي
_ تعرفينه؟
: لا
_ هذا الدعمها
_ شنو؟
_ الدعمها وكسرها تكسر
_ يعني جاي عود ديريدها زوجه على هذا الاساس؟ لو شنو؟
_ لاا اياد شسالفه شبيك دايخ
_ كلش دايخ
_ يريدها زوجة ام بيته واطفاله
_ باباتي انتي قابلة؟
: بكيفك بابا
_ يعني قابله شايفته شافچ بعد الدعمه ؟
أنت تقرأ
رفقـًـا
غموض / إثارةرفقًا بنا ياعمر لاتكن مسرعًا هناك أمنيات لم تتحقـق هناك أحلام لم نعيشهـا وهناك تراتيل من الفرح ننتظرها وهناك أناس لن نلتقي بهم وهناك اشخاص فقدناهم ولم نلتقي بهم ... بدأت القصة : 22/6/2022 انتهت القصة: 4/8/2022 ﮼لـ زينب
