رفقـًـا

البارت السابع عَشر

أسَـيل:
رجعت من بعد ماودعناها وشفت البيت فارغ ومابي ضوه هيج فراغ فراغ ماعرف اوصفه شفت فراشها وكل شغلاتها وملابسها وضليت ابچي وتقى تبجي وياي وصبا ويوسف الي اتعلگ بيه ومايعوفني نام بحضني وانه بس ابچي
سمعت صوت رساله شفت التلفون مكتوب:

_ شلونج اسيلتي

: زين شعور ماعرفه شنو كلش مخنوگه

_ تطلعين؟ تغيرين جو

: مالي خلگ

_ لا راح اجيب ذهب وانتي وتقى كليلها واطلعكم افرفركم وارجعكم

: ماحاجه والله

_ اشش عنودي لاتعاند يلا امشي خمس دقايق الكاچ بالباب

: عفت التلفون وكلت لتقى الي جانت صافنه ودموع على الخد غيرنا ملابسنا ولبسنه عبي سوده وطلعنه ويوسف الي شلع گلبي بس يبجي ويريد دره وصبا نامت وخليتهم يم ابوي ومرته شويه وطب زين شاف ابوي سلم علي وگال

_ خالي بس اخذهم اغيرلهم جو واجيبهم

_ اخذهم اخذهم خلي يغيرون جو

_ يلا اسيل تقى امشو

: رحنه وراه هو باوع بعيوني لفتره ونزل ومشى بخلال هلنظره خلتني افقد عقلي ومااركز سلمت على ذهب وغيرنه جو وياهم ونزلنه بالكورنيش خلني ذهب وتقى بوحدنه وراحن بعيد عنه هو ضل يباوع لنهر دجله ويكلي

_ شكبرني شگدي ماحبيت بگد الحب الي احبه الج هسه

: ليش حبيتني ؟

_ شواسأله مايگلي السبب ولحد هسه ماعرف السبب شنو ليش اتعلق بيج هلگد ماعرف

: مراح تعوفني؟
جاي اتعلق بيك زين ..

_ ولااعوفچ ولچ للموت

: اشششش اسم الله عليك

_ اسيلتي تحبيني؟

: باوع بعيوني وگالها ضليت اباوع بعيونه وهزيت راسي هو ضحك بصوت وضليت فاهيه على ضحكته الي دخلت اعماق گلبي

_ لج مساع سمعت اغنيه براديو ازاد وعجبتني وسجلتها اريد اهديها الچ هسه اشغلها واغني وياها

: ضليت اباوعله ومنتظره الاغنيه على نار وهو راح جاب لبلبي وكعدنا ناكل وفعل نت على الشريحه وكعد يطلع باليوتيوب الاغنية شويه وحط  التلفون بيناتنه وعله الصوت علمود نسمع

راح اكتب احبك جوه جفن العين
حتى لو نمت متروح من بالي
اول مااغمض من يجيني النوم
تظل كلمة احبك صايره گبالي