رفقـًـا

البارت الثاني والعشرون

درة:
چنت توه گاعده من النوم العصر وروحي بخشمي وشفت رساله فتحت التلفون طلعلي الاشعار من عمه راح تجيلنا

طفرت من النوم وابوي ومرته بعدهم بالسفر گمت كفكفت الصاله وشفتهن نايمات وصبا بالنص ويوسف گاعد يلعب بتلفون تقى

ها يويو شعجب مانمت؟

_ مامنعس

: هسه راح تجي عمه اميرة

_ اي

: رحت مشطت شعري الولادي ووصل لحد نهاية ذاني وشويه اطول ضليت افر براسي واضحك

ماتوقعت راح يرجع شعري وراح ارجع مثلي واحلى حواجبي ثخان ورموشي ثخان وشعري طال وجسمي صار حلو ومرتب محد يدري بي غيري
مالابسه ضيگ

اندگ الباب حطيت شال على راسي ورحت فتحته شفتها وحدها ماوياها احد
هليت بيها وهي ضحكتها على وجها

_ عمه اجيت اشوف شنو تتزوجين لو لا

: ياا عمه شنو اتزوج خلص هاي هي

_ ولج غير گرعو راس ازاد بيچ جدج وبيبتج موتوه وهو يگول مو هسه مو هسه ويمشيها عليهم

: شيردون عمه شيردون تعبوني تره عوفوني براحتي الا اتزوج يعني الااااا؟

_ باعي راح اتصل على ازاد يجي واتفقو هنا

: عمه ماريد اشوفه

_ ليش؟

: طلعت عنده نيه غير نيته والله احسبه اخو

_ ماكو اخو شنو اخو بعد هو رادج

: عمه عفيه

_ راح اخابره

: كعدت عافسه وجهي ماكو ماتاخذ حچيي ماريد اشوفه ماريد
ضلت تحجي وياه هواي هو هم مايريد يجي اخير شي كلها ساعة واجي

_ كومي رتبي روحج

: تره مو زوجي هو!

_ اي راح يصير

: مااقبل

_ ولاتقبلين شنو يعني ناخذج غصب
و بعدين تعالي انتي تلگين مثله؟ شو تتعززين؟

: اي الكه احسن منه شو

_ انجبي شو

: ليش اكبر مني بهواي تره عمه
راح يصير بالاربعين هو

_ ١٢ سنه اكبر منچ بعد شنو عادي

: مو عادي عمه مو عادي ولطمت على رجليني وهي باوعتلي رافعه حاجب

_ ولج ..... هو انتي وين لاگيه منه
هم جمال وهم شخصيه وهم طول وهم اسلوب وياچ وهم ثقافه كلشي بي حلو

: اي بس انه مااشوفه هيج عمه خو مااتمعن بوجهه

_ مو قصة تتمعنين بوجهه باعي الجوهر مو كلشي وجه ومظهر