نوم ماشفته من ماتت امي لهسه صارلها ٧ ايام وي يوسف انام ساعه هيج انام وانه كاعده من التعب
اكلي صار ماكو انقرض الاكل من حياتي الماي اشربه باليوم مره ضعفت صرت عوده ونعمت اكثر صرت حالي حال تقى بعد يومين للامتحانات خليتهم يقرون وانه ضليت يم يوسف وكاضه الكتاب اقره من ينام لو اتذكر امي واضل ابجي
اتذكر من ندرس كلنه تبقى كاعده تباوعلنه وكلساع مسويتلنه شي وتجيبه علمود نركز شهكت وضليت ابجي وبجن وياي اثنينهن وصبا جانت تلعب اجت تباوع باستغراب ليش نبجي واجت تبجي بحضني وتكلي اريد ماما منين اجيبلها ماما؟
وجمان ضلت تخابرني كل يوم من درت جانت مسافره ولحد هسه مسافره سكتنه من البجي بجه يوسف كمتله وضل يبجي مايسكت ابوي طالع
كل شويه يجي يتطمن علينه ويطلع مايبقى بالبيت حقه لو منه مارجعله بعد
كاضه يوسف وامشي واهز بي اتصل تلفوني لكيتها جمان عبالي خالتي رغد كل يوم تجي هيج وقت
_ هلو ولج شلونج؟
: شلوني بعد الحمدلله عايشه
_ باعي انه بباب البيت طلعيلي
: ياا شجابج هسه اجي
_ شنو شجابج ارجع يعني؟
: لا انجبي
طلعت فتحت الباب هي بس دخلت حضنتني انه ويوسف وضليت ابجي وتبجي وياي ضلت تمسح بدموعها ومسحت دموعي وحاولت تصبر علي بكلماتها وغيرت جو
وشويه صارت تضحك وتضحكنا انه وخواتي كعدت يمنه ساعه وراحت شويه واجه ابوي سوينه العشه والغده
ومرت الايام وخاله رغد اجت خذت ملابس امي وماخلت ملابس الها النه شگد اتوسلت بيها تبقي ماقبلت بقيت بس شويه اتوسلت بيها علمود ابوي
وصلت ليلة الامتحان ضليت حايره ابوي عرف كعد بالبيت وضل يمه يوسف وكلي روحي درسي انتي لاتفكرين بي رحت درست وكلساع ياباجيه ياصافنه بالكوه خلصت الماده هيج تشربت ماكو اي واهس اريد نجاح فقط خلصت خذيت يوسف واتفقت وي اسيل امتحانها ب10 وانه ب8 ف اجي انه اخذ يوسف وهي تروح وهي تكعد ليوسف الصبح هيج اتفقنه
اول يوم رحت انه للامتحان وضليت قلقه على يوسف رجعت لكيتها حتى مالافه شالها ويبجي وتتذمر بس اجيت شمرته علي
_ ولجج ماخلاني اشوف دربي بس يبجي اخذي اخذي وتقى النعاله اكلها كعدي ماتگعد لو ينفجر يمها انفجار
: تقى وزاري سادس ابتدائي وورانه امتحاناتها
خذيتها منها اضحك ولفت شالها سريع وطلعت السايق يطوط وهي بعدها خذيته سكت عندي وشربته ممه ورجع نام بدلت
وضليت انظف بالبيت وطلعت تحضيرات الغده كعد يوسف بس يبجي ماعرف شسويله ادك على خاله رغد ماترد وخاله جميله مشغول كعدت ابجي ومحتاره
شسوي كعدت يمي صبا وتبجي بصوت عالي وكلساع وضربتني حاطه يوسف بحضني وصبا يمي وتقى تبجي وعلى صفحه ماتقبل صبا تشيلها وانه ابجي وهي تبجي وهو يبجي وتقى تبجي شسويلهم؟ احتاريت
أنت تقرأ
رفقـًـا
Mystery / Thrillerرفقًا بنا ياعمر لاتكن مسرعًا هناك أمنيات لم تتحقـق هناك أحلام لم نعيشهـا وهناك تراتيل من الفرح ننتظرها وهناك أناس لن نلتقي بهم وهناك اشخاص فقدناهم ولم نلتقي بهم ... بدأت القصة : 22/6/2022 انتهت القصة: 4/8/2022 ﮼لـ زينب
