رفقـًـا

البارت الحادي عَشر

صبا اتنحست وصبا من تتنحس متعرف احد كاعده يمي وتضرب بيه وتگرص بيه يوسف ضل يبجي كلت لعمه

عمه اريد غرفه اروح بيها انوم بيها يوسف فدوه

_ روحي هناك على ايدج اليمنى

: گمت وخذيت يوسف وجلبت بملابسي صبا وتجر بيه ابوي يصيحلها ماتقبل تروحله جاي امشي وشفت مره باوعتلي وباوعتلها وحجت بـ سم

_ اجت ام نص لسان بنت ام نص لسان يالله شيفكنا

:ضليت اباوع وراي عبالي جاي تحجي وي غيري باوعتلها اكبر من ماما غلست بس صعد الضغط يمكن

جريت صبا من ايدها قوي واخذتها وانه كلساع اخزر بيها واعيط بيها بدون صوت عالي واعت بأيدها

يوسف انطيته ممه وهي تبجي وتگرص بزندي وكلساع ضربتني على رجلي علمود انتبهلها سوالفها هاي بالبيت من تضوج وتطنگر
نام يوسف

گمت اريد اطلع وهي جرتني من ملابسي وكعدتني بالكاع وبهذلتني
وصحت بوجها كافي ادبسزز كافي ماتعرفين ببيت ناس غربه
هي گبل ضربتني على وجهي
گبل طكيتها راچدي كـ ردة فعل سريعة
هي ضلت تبچي بصوت عالي وتضرب برجليها برجلي

طبت ذهب بسرعه رادت تكضها دفعت ايدها بعنف
انه كضيت ايدها اريد اعضها حتى تبچي بسبب مو بدون سبب تتنعوص

ذهب: لالا دره شنو شبيج مو هيج على كيفج تعاي حبيبتي دانطيج شي

: ضلت تدفع بيها كلتلها
وين ابوي؟

ذهب، خالو باسم راده بشي وراح وياه

: خرب حظيي يالله شيسكتها هسه

اسيل: ولج شنو شصاير؟

: تعاي شوفي اختج والله راح اموتها شبعتني تگرص ضلت تعض بعد

اسيل، اوو طنگرت صبا شيفكنا وراحت

ذهب: متعرفولها؟

: ابد جانت من تطنگر هيج تسوي بأمي وابوي يجي ياخذها

ذهب، حرامات هسه خالو طلع شلون منين نجيبه لعد؟

: ضليت بارده وياها كلساع وعضت ايدي واخزرها وابعدها وتبجي راسي صار طبل اخر شي طكيتها على راسها

كومي وشلعي شعري وخربي شالي ذهب كمزت عليها وعمه دخلت وحچت وياها
وضلت ترافس ماتريدهم وبس تبجي وواكفه گبالي تريد مني مادري شنو مدري شبيها هاي البنيه ركبها جن

جابتلها ذهب حلويات ورادت تغريها مااباوعت حتى بس تباوعلي وتبجي وبس مااباوعلها تضربني وتعض
كلتلها والله اكتلج اذا ماصرتي زينه هسه

صبا، انچبييي انچبيي

: ضليت فاكه حلگي اول مره تگولها دنگت اريد اخذ المشط الي بالكاع اريد اضربها بي شفتها انشالت وضلت ترافس وتصرخ وگال بهدوء