رفقـًـا

البارت الرابع عَشر

ومرت الايام وبيوم النتائج ضليت متوتره وزين يضحك علي يكلي هسه راسبه وتعيدين سنه ويخوفني كلساع وگمزني لان قلقانه واصفن يگمزني
ضل گاعد عالنت يبحوش شويه وگال

معدلج 88...

:ضليت مصدومة وكعدت عالقنفه من الصدمه كلتبهم
شنو ياكليه تقبلني؟

_ كل الكليات الا الطب والصيدله

:ضليت صافنه والكل يباركلي وذهب حضنتني
انطاني تلفونه اباوع للنتيجه باوعت كلهم تسعينات وثمانينات بس احياء 70 كاعده وصافنه عالدرجات

_ شبيج دره والله حلوه درجاتج وبهذا ظرفج كلش زين وسباعيه وشطوره

: بس عمه انه اريد طب

_ ارضي بالي راده الله الج

: راح اعيد سادس.

_ انتي غبيه لو غبيه بس كليلي؟

: زين اريد طب انه لو طب لو ماكو

_ فوتي اي كليه مجموعه طبيه مو الا طب عام وبعدين طب العام مو حلو للبنيه

: لاتقنعني مو للبنيه ليش البنيه تختلف؟

_ لابويه منو گال هيج شي

: عبالي..

خابرني ابوي وباركلي وفرحته مبينه بصوته فرحت لفرحته واسيل تگلي

_لو انه اجيب هيج الا ارگص رگص واسوي زفه من بغداد لدهوك

: باوعتلها ضايجه وهي هزت ايدها وراحت وي البنات ضليت وي عمه كلساع تواسيني وتكلي عادي هذا قدرج اجه ابوي وضل يباركلي وحضني وضل يبوس براسي

_ رفعة راسي درة گلبي.

:دمعت من الكلمه ردت ابچي ضحك بوجهي اتغدينه واجه ازاد بس دخل سلم وباركلي

_ سباعيه وارجع اكول بطله انت هاج

:شمر علاكه بحضني باوعتله كلتله
شنوهاي؟...

_ هديتج ابويه مو كلتلج اذا جبتي بالفيزيا درجه عاليه الج هدية هاي الوعد.

:شكراً هوااااي

_ادللي عَيني

: عاف الصاله وراح جبت 95 بالفيزيا درجه مو كلش عاليه..
فتحت العلاكه كارتون فتحته بيها ساعة ايد شهكت ذهب

ذهب، عززززه هاي الي اريدهااا

: باوعتلها وضحكت وقدمتها الها

..ترديها؟ ..

ذهب، لاعيني بالعافيه شبيج بس هيج ردة فعل اسفه

: ضحكت عليها

ذهب، وين اخوي وينه

: ضليت اضحك عليها وهي راحت تدوره اجت اسيل اتخوصرت گبالي

_ هدايا وهاي

: ثول حتى گبر شبيييج

_ لاهيج غرنا