درة:
من عشت ببيت سلام سافرنا شهر عسل عشت من صدگ بعسل عنده وكل صلاة ادعي الله يحفظه الي ورحنه للشقه الي ببغداد حتى اداوم وبالعطل نروح لبيت اهله اهله مايحتكون بيه بس نسوان حمويني اثنين ماحبهم ولايحبوني حتى خالتي ام سلام مو كلش
عشت براحه عند سلام مع انو طبعه كلش صعب ويتدخل باقل شي يعني وجهي يمسحه مسح واروح للكليه وسكتت كلت بعد احسن مااروح متبرجه
الشالات نيلي واسود ماكو غير الوان وي العبايه يگلي البيجي والالوان الفاتحه حلوه تطلعين بيهن لاتلبسيهن
يغار عليه عفته بعرس ذهب ضليت حتى بچي بچيت حتى يوديني ويقبل اروح للقاعه
وشلع گلبي وحتى الحمر ضربهم بالگاع وكسرهم وخذيت من مرة حماي حمره ماتبين خله غصه بگلبي
ورحت مابينت لشخص انه الي ردته واتحمل نتيجه الي ردته ان كانت ايجابيه لو سلبيه
رجعت طلعت حامل صارلي شهرين فرحت وهو صار زين وياي بعد مرور ثلث شهور جاي انظف مااحس الا صارت اوجاع و احتاجيت الحمام ورحت وشفت نفسي مسقطه الطفل
وضليت ابچي وخذوني للمستشفى واجو اهلي واريد احجي ماكو
شي بحلگي مايخليني احچي وضليت بس احضن بيهم وضلت روحي وياهم من راحو ردت اشيل روحي واطكها بالگاع على الخنگه الي صارت
اختي اسيل الي تعرفني من نظراتي ماعرفت البداخلييي هيج اعرف اكتم؟ معقوله مابين على وجهي؟
ضل مايجي يمي وضل يحاسبني على كل حجايه حتى وي اخوانه يحاجيني خاصتاً اذا وي ازاد وزين يموت ويضل يكسر ويحجي حجي صحت من گد قهري
.. لازم تخلي ثقتك بيه تره مهما حجيت مهما ضحكت مهما حاجوني تبقى انت زوجي وحبيبي لاتشككك لاتشكك
_ مااشاك
: شنو تسمي هذا حجيك شنوو مهما يكون اخوانك اخواني وولد عمي خط احمر من عمري 17 سنه وانه يمهم مو من حقك تمنعني احجي وياهم
وهو عافني وراح من اضل ارادد يعوفني ويروح ماوصلت ضرب وياه
ضليت متحمله كل مزاجيته وعركه وصياحه وضربه وبخله عليه وعلى روحه وصلت وياه يحرگ ضهري بالجگاره وطلعت روحي والله لان صيحت على امه لان اذتني بكلامها
مافكرت احجي لابوي ماريد يتشمت بيه ابوي يتشمت بيه!! الشماته واللوم مااگدرت اتحملهن كـ فكرة
ماريده يگول هو هذا الردتي واتذكرت گال بس كولي اطلگج منه اتحملت لان احبه والله احبه حتى من حرگ ضهري مااكرهته
طلع من البيت مارجع غير بعد ايام وانه اضل اموت وجع من انام على ضهري ضليت ايام ماانام على ضهري
رجعت للشقه واجولي اهلي الي تچلب روحي بيهم وعرفت ولد عمي اتطوعو للحشد ودعيتلهم الله يرجعهم بالسلامه
أنت تقرأ
رفقـًـا
Misteri / Thrillerرفقًا بنا ياعمر لاتكن مسرعًا هناك أمنيات لم تتحقـق هناك أحلام لم نعيشهـا وهناك تراتيل من الفرح ننتظرها وهناك أناس لن نلتقي بهم وهناك اشخاص فقدناهم ولم نلتقي بهم ... بدأت القصة : 22/6/2022 انتهت القصة: 4/8/2022 ﮼لـ زينب
