رفقـًـا

البارت السابع والعشرون

درة:

گاعدة اگلب بالانستا الي غيرت حسابي علمود لايعرفني سلام اجت رساله من حساب گلي

" هيج نسيتيني بسهولة؟
بعدني اريدچ ولچ شگد اجيت لابوچ چان حتى مايطلعلي وقبل اسبوع گلي اتزوجتي وعوفها ولاتتقرب يمها
هيج بسهولة نسيتي حبچ الي؟

رحت عرفت منو زوجچ
الي طلگچ مني!!

وضليت ادور عليچ وگالو بالمستشفى ورحت وچنتي مجازه وماموجوده من البصرة لبغداد اجيت علمودچ علمود احجي وياچ

وزوجچ اتقربتله وهو هددني يطيحني بقضية مااطلع منها اذا ماعفتچ ضليت اغلط علي وعلى اهله هو كل السواه فصخ ايدي وسوه رضوض بوجهي كله من وراچ وماتبت منچ ولچ نفسي بيچ

شلون گدرتي تتزوجين غيري ؟
شلون نسيتيني بهل سهولة
مانسيتچ انه

: باوعت للرسايل وعدتهن اكثر من مره هذا شجاي يخرط؟؟

ضليت اتخيل شلون اتعارك وياه ازاد يااا ازاد هم يتعارك ؟

مارديت علي بس بقيت افكر
ناسيته انه لو لا؟

اي ناسيته انه مااتذكر منه الحلو اتذكر اذيته الي بسسس اي نسيته انعجبت بأزاد وشخصيته
انعجبت بكلشي بي هدوءه وكلماته وحتى نبرة صوته عيونه كلشي كلشي

اتذكرت سلام وملامحه مابي اي شي من ازاد

ثاني يوم رحت للدوام وگلولي شخص يريدج عرفته سلام گلتلهم عندي شغل ورحت ودخل هو وي المرضى وراد يحچي وياي ماانطيت مجال وفضحني گبال صديقاتي عفت المستشفى وطلعت وحصلت عقوبة

من حرگتي گلت لازاد علي وازاد عصب وضل يصيح

_ اذا مااعلمه بيمن اندگ ...... و..... عود صايرلي زلمة لابوك لابو الزلم اذا انت تنعد منهم

: طلع من يمي وطلعت اركض هو وگف وباوعلي بخزره وصاح

_ رجعيي لاتركضييين

: ازاد لتسوي شي عفيه

_ خايفه علي؟؟

: لا مو علي والله عليك

_ خلص لاتخافين عليه ماراح يصير بيه شي لتنقهرين ولاتتوترين ورجعي بمكانچ واني اعلمه

: ازاد لتسوي شي يأذيك فدوه لاتعصب

_ لا مامعصب اعرف روحي اني درر رجعي خليني اروح

: راح وسوه الدرج بايتين ورجعت للغرفه وانه ابچي والطم على حظي بطني ضلت تأذيني واتشنجت

رجع ازاد مابي شي گمتله بطفره هو خزرني

_ انتي حامل ميصير هيجج تركضين وتطفرين شويه ديربالچ على الطفل

: ازاد شنو سويت؟

_ باچر نروح تشتكين علي

: ياااا ازاددد شنوو ليشش؟