رفقـًـا

البارت العشـرون

اسيل:
مرت الايام وي حزني والمي ويوميه اتذكر حجيه وسوالفه مانسيتهن لحد مابيوم اجالي بالحلم
وحضني وگال الي
اني بخير وبنعيم عيشي حياتچ

فزيت من الحلم مخروعه وعطشانه وعبالك حقيقه صار گبالي ماحجيت لأي شخص

رحت للكلية گعدت يم گروب وضلو يسولفون وضحك وسوالف ونسيت همي وياهم
بس ماشاركت وكلساع يروح عقلي يم الحلم زين يريدني اعيش حياتي
زين شلون اعيشها ماعندي شي

كونت علاقات هواي وعدلت علاقاتي وي القسم كله وعرفت الزين وعرفت المو زين

وامتحنا وخلصت اول سنة الي..
صارت سنوية زين ورحنه لنجف وكربلا ورميت نفسي يم الائمة وضليت ابچي من كل گلبي والنسوان تسأل شبيها

وانه ماعرف ضليت ابچي وبنحيب واناجي الائمة ودره يمي تعصر بكتفي علمود اسكت وكلهم بجو وياي شويه وهديت وگمت دخلت زرت وطلعت صليت وقريت قرآن والزياره وطلعنا حسيت براحة
عجيبه ماكو منها

منا قررت ابني واعيش حياتي
هاي هي زين راح مايرجع بس خذه گلبي وياه
كتمت بگلبي واي حزن يمر عليه ماابينه
رجعت اسيل القديمه بفضل الله

وصادقت نص القسم والله طرب ويوميه عازمينا ومسوين عزيمه الضحك يوصل لباب الجامعة
ويانا دكتور اسمه استاذ حيدر يعني بعده شاب هذا يجي ياكل اكلنا ويروح والطلاب تگله

_ استاذ انطينا درجات انطيناك دولمه

_ واذا دولمه شمنطيني هي دولمة
شنو ربع درجه ماانطي

_ استاذ لعد گوم لاتاكل

: ضحكنا وهو ضحك وخزره وعگد حاجبه وضربه على راسه

ميانه وياهم بس اذا عصب عصب والقاعه تصير لو اذب ابره اسمع صوتها ..

ضحكنا كلنا هو عافنا وراح صار الفاينل واكثر استاذ حبيناه هو استاذ حيدر ونص البنات يحبنه حب واضل احشش عليهن واضحك

يحبن هن يحبن
بس هو صدك شاب بعده وفوگاها استاذ جامعي ويحجي انگليزي بطلاقه بحيث مانعرف شجاي يحجي يلبگ لبگ ونصفن على حلگه

هو اي شخص تختلف لهجته لو لغته عنا نشوفه مميز
الاساتذة البقيه حقنه صراحة مايتحاجون

اتخرجت دره وكعدت بالبيت ورجعنا اخوات مثل قبل وكلما نتجمع ببيت جدو نتذكر زين ونقراله الفاتحه وندعيله خله ذكرى بگلوبنا حلوه

كل هلبنات الي وياي بس ولاوحده قريبه مني لابالمدرسة ولابالكلية اليشوفني يحسدني على الصديقات الحواليني ماقريب عليه غير دره وتقى وحتى مو كلشي احجيلهم بس دره تعرفني من عيوني واعرفها من عيونها

وهاي هي مكتفيه بيهن خواتي ستر وغطى

تقى صارت سادس ودخلنا انذار لان تريد تصير دكتوره عشتو