အိမ်ပြန်ရောက်တာနှင့်
တံခါးမကိုအားနှင့်လွှဲပိတ်ချသည် ။
ဂျောင်ကုလက်ထဲမှအထုပ်တွေကို
ဆိုဖာဘေးချရင်းရပ်နေမိတော့
ဆိုဖာပေါ်တက်ထိုင်လာသည်ကကင်မ်ဖြစ်သည် ။
လက်ကိုဆွဲယူလာသည် ။ ခုံပေါ်ထိုင်ခိုင်းခြင်းသာ ။
"နေဦး အိမ်မှာဆေးဘူးတွေမရှိဘူးလား"
"ဆေးဘူးတွေ ဘာအတွက်လဲ ကင်မ်"
"မင်းလက်ဆေးထည့်ရမယ်လေ"
ဂျောင်ကုရယ်ကျဲကျဲလုပ်လာသည်
ပဝါကိုချွတ်ပစ်ဖို့အစကိုထိလိုက်ရင်း..
"ဒီလိုဒဏ်ရာလောက်ငါရနေကျပါ
စိတ်ပူစရာမလိုဘူး ရတယ်"
"သွားယူ လို့"
လက်ကဆွဲထားသည်ကိုလွှတ်ပေးမလာခဲ့ပဲ
ထပ်တိုး ဝှေ့ရမ်းလာသည်
လက်ကောက်ဝတ်ငယ်ရဲ့အားပျော့ပျော့တို့ဖြင့်သာ ။
ထိုလက်ကောက်ကောက်လေးတို့ကို
ဖယ်ထုတ်ပစ်လိုက်သည် ။
"အင်း ဒီမှာထိုင်နေ သွားယူလာမယ်"
ပြုံးမိသည် ။ လူမမိလိုက်သောအပြုံး ။
အကြောင်းရင်းကိုဂျောင်ကုသိလည်းမသိသလို
အဖြေလည်းမထုတ်လို ။
"ရော့ ဒီဟာကညှစ်ဆေးဘူး လိမ်းရမှာအနာပေါ်ကို"
လေးထောင့်ဆေးထည့်ဘူးခပ်ကြီးကြီးထဲမှ
ဆေးပစ္စည်းတချို့ကိုထုတ်ပေးသည် ။
စကာကွက်ပတ်တီးအဖြူပါးလေး၁လိပ်ရယ်
အစိမ်းရောင်ညှစ်ဆေးတောင့်ရယ်
အကြည်ရောင်အရက်ပြန်ဘူးငယ်နဲ့ ဂွမ်းစတခုရယ် ။
"အနာတော့ပိုးအရင်သတ်ရလိမ့်မယ်
ဘယ်လိုလုပ်ရမလဲသိတယ်မလားကင်မ်"
ပဝါစပတ်ထားသောလက်ကိုအသင့်ထုတ်ပေးလာသည် ။
"ရေဆေးချသလိုပဲမလား"
"အင်း အဲ့ဂွမ်းစထဲနှစ်ပြီးသန့်ရှင်းပေးရုံပဲ"
ပဝါစကိုဖြည်ချလိုက်သည်နှင့်
ဖြူဥသောလက်ဆစ်တို့လက်ချောင်းတို့ပေါ်တွင်
ပွန်းပဲ့ရာတချို့ ပေါက်ပြဲရာတဖုံနှင့် သွေးစရဲရဲတွေ။
အရက်ပြန်တို့သည်အထိ မျက်နှာတချက်မပျက်သွား
လိမ်းဆေးတို့ပြီး ပတ်တီးစည်းပတ်ပေးတော့
မျက်နှာဟာပကတိကြည်စင်လာသည် ။
YOU ARE READING
WHO ARE YOU Mr.KIM ? (✔️)
Fanfiction-"ငါအချိန်ခရီးသွားလာတာကိုယုံလားဂျောင်ကု" -"ကိုယ် မင်းကိုယုံတယ်ကင်မ်" Start date - JinKook day End date - 9.8.2022
