အလုံပိတ်အခန်းတခု ။
မြတ်နိုးရတဲ့ကိုယ်သင်းနံ့သင်းသင်း ။
သိပ်မက်မောစုံမက်ခဲ့တဲ့လက်သွယ်လျလျလေးတို့ဟာ မြင်မြင်သမျှအရာတို့ကိုပစ်ပေါက်ဖျက်ဆီး၏
အဖျားငွေ့ငွေ့လည်းစမ်းမိသည်မို့ ဆန်ပြုတ်တဇွန်းကိုခပ်ကာနှုတ်ခမ်းနားတည့်ပေးတော့ဝါးဇွန်းကိုပါပုတ်ထုတ်လာပြီးနှုတ်ခမ်းကိုတင်းတင်းစေ့ကာတဖက်သို့လှည့်သွားသည်
တချိန်ကလက်သည်းဆိုးဆေးနီပြာဝါရောင်စုံတို့မပြတ်ခဲ့သောလက်သည်းခွံကြည်တော်တောက်တို့က ခုတော့လက်ဖျံတလျောက်ကုတ်ဖဲ့ဒဏ်ရာတို့ကိုသာပေးစွမ်း၏
"ဒါလေးစားလိုက်ပါဦး ဒီမှာကြည့် ငယ်
ကိုယ်မင်းကိုပထမဆုံးပေးခဲ့တဲ့လက်ဆောင်လေးလေ"
ဝါးဇွန်းလေးကိုလှုပ်သဲ့ပြမိတော့ မျက်နှာဟာ ပြန်ကြည်စင်သွားပြီး နှုတ်ခမ်းပါးတို့ကိုပွင့်ဟပေးလာသည်
"ကိုကို ငယ်တို့ဆီဖေဖေလာနေပြီလား"
"ကိုယ်ရှိပါတယ်ငယ်ရဲ့"
နှဖူးပေါ်မှဆံနွယ်တို့ကိုသပ်တင်ပေးတော့
နှဖူးပြင်ပြေပြေလေးကထင်းကနဲ ။
ဤအမျိုးသမီးဟာထုံးဖွဲ့ခြယ်သခြင်းမရှိသည့်တိုင်
ဆံပင်သိမ်းတင်ရုံနှင့်ပင်လှပကျော့ရှင်းနေဆဲ ။
အနာဖေးတက်နေသည့်အနာရွတ်ဖြူစင်းတို့က
ပါးပြင်တဖက်စီတွင် တပိုင်းတပြတ်နေရာယူသည့်တိုင်အကျည်းတန်သည်ဟုမထင်မိ၊
မြတ်နိုးဆဲပါငယ်
"ကူးကူးလေးရော"
ဖိုးသားကူးကအနားမှာဝင်ကပ်ထိုင်လိုက်တာနှင့်
ပါးဖောင်းဖောင်းလေးကိုသူမဆွဲဖျစ်သည်ကချစ်စနိုး
ဆန်ပြုတ် ၁၀လုတ်လောက်ခွန့်ပြီးသွားရုံသာကြာလိုက်သည် ။
လည်တိုင် ညှပ်ရိုးနှင့် လက်မောင်းတို့ကိုပွတ်သပ်စမ်းသည့်လက်ဖဝါးအစုံဟာပါးပြင်တို့ပေါ်ရောက်မှတန့်ကနဲ ငြိမ်ကျသွားသည် ။
"ဒါတွေဖြစ်နေပြန်ပြီ ဆေးကုမယ် ဒါတွေပျောက်မှကျောင်းကိုလည်းလွှတ်ပြီး ကိုနဲ့လည်းယူလို့ရမှာ"
YOU ARE READING
WHO ARE YOU Mr.KIM ? (✔️)
Fanfiction-"ငါအချိန်ခရီးသွားလာတာကိုယုံလားဂျောင်ကု" -"ကိုယ် မင်းကိုယုံတယ်ကင်မ်" Start date - JinKook day End date - 9.8.2022
