❄Yet 2 Come❄ [Completed✔️]

❄Chapter 03❄

Author's pov

විශ්වාසය...........

අවුරුදු ගානක් තිස්සේ තිබුණු විශ්වාසය නැති වෙන්න එකම එක තත්පරයක් ඇති. ඒ විශ්වාසය නැතිම වෙලා ගියාට පස්සේ ආයේ මොනවා කරත් ඇති කරන්න බෑ.

ඒත් ආදරය?

Yunhi's pov

හ්ම්ම්......

කාලය.............

හැම ප්‍රශ්නයකටම තියෙන හොඳම විසඳුම කාලයට ඉඩ දීලා බලන් ඉන්න එක

ඒත්......

බලාහිදීම තරම් වේදනාවක් තවත් තියෙනවද?

කොච්චර දම්වැල්දාලා බැඳලා තියන්න උත්සාහ කරත් කොහොමද හිතට දැනෙන හැඟීම් හංගන් ඉන්නේ.

ආගන්තුක නොවන මේ හැඟීමට කදුළු වැල් කොපුල් සිපගත්තේ අහේතුක බැඳීමකට වුණත් කොහොම අමතක කරන්නද ඒ අතීතය.

හැම රෑකම මං මගෙන්ම සමාව ගන්නේ මං මගේම හිත රවට්ට ගන්න ගන්න නිශ්ඵල උත්සහය එක්ක.
.
.
.
.
.

Author's pov

ශීත සෘතුව නිමා වෙලා මුලු සෝල් නගරයේම තිබුණු චෙරි මල් ගස් මල්වලින් නහවමින් වසන්තය උදාවෙලා තිබුණා. නැවුම් සුවඳක් එක්ක හමාගෙන ආපු සුළඟ සෝල්වලට අලුත් පණක් අරන් ආවත් සමහර ජීවිත තවමත් ඒ විදියමයි.

යුන්හි ඈත අහස දිහා බලාගෙන කල්පනා කලේ එයාටත් ඒ පාවෙලා යන වලාකුළු වගේ ඈතටම පාවෙලා යන්න පුළුවන් වුණා නම් කියලා. කදුලු කැට එක දෙක ඇස් අඟින් බේරෙද්දී යුනිවර්සිටි එකේ ලොකු චෙරි මල් ගහක් යට වාඩිවෙලා හිටපු යුන්හිගේ මූණට චෙරි මලක් වැටුණේ වසන්තය උදා වෙලා කියන පණිවිඩය මතක් කරන ගමන්.