"ကိုကို ဘယ်ကပြန်လာတာလဲ အဲ့ဒါက"
"ဟင်...ကျောင်းကိုခဏသွားတာလေ၊ကြီးပုကိုတောင် မှာခဲ့သေးတယ်..မင်းကို မပြောဘူးလား"
"စာစစ်ရက်တွေလည်း မဟုတ်ဘဲ ကျောင်းကိုသွားရတဲ့ အကြောင်းအရင်းကို ကျွန်တော် သိချင်တယ် ကိုကို"
ခပ်ဆတ်ဆတ်လေသံနဲ့အသုံးအနှုန်းကြောင့် အနည်းငယ် နောက်ကျောမလုံ ဖြစ်သွားရပေမယ့် ဟန်ကိုယ့်ဖိုအနေအထားဖြင့်သာနေရင်း
"ဆရာမကြီးနဲ့ တွေ့စရာကိစ္စရှိလို့ပါဆို...မောင်က ဘာဖြစ်နေတာလဲ၊ အပြင်ကပြန်လာတဲ့လူကို အမောဆို့အောင် ဘာလို့ ရန်လုပ်နေတာလဲ"
မေးနေတာကို မဖြေဘဲ လူကိုချော့မော့ပြီး ဝေ့ကာဝိုက်ကာလုပ်နေတဲ့ ဆရာလင်းထင်ရောင်ကို စိတ်လည်းတိုရ၊အသည်းလည်းယားရနဲ့မို့ စောနွေဦး ရူးချင်ချင်ပင် ဖြစ်နေလေပြီ။
ဒီဆရာလေးက အတော်ကိုဆိုးနေပါပြီ
လူကို နိုင်စားရင်းဆိုးလိုက်၊ချွဲရင်းဆိုးလိုက်၊ငေါက်ငမ်းရင်းဆိုးလိုက်နှင့် ခုနှစ်ထွေမင်းသား ဖြစ်လို့နေတာ နှစ်ဦးသဘောတူ ချစ်ကြိုက်ကြကတည်းပင်ဖြစ်သည်။
ဆေးရုံမှာ တစ်ပါတ်နေပြီးနောက် သုဝဏ္ဏအိမ်ကိုသာ ပြန်လာနေဖြစ်ကြတာက ဝှီးချဲနှင့်အခြေအနေပဲရှိနေသေးတာမို့ နေရထိုင်ရအဆင်ပြေအောင်ဖြစ်သည်။
ကျနော့်အနားမှာပြုစုဖို့တာဝန်ကို တခြားသူကိုမပေး၊ကိုယ်တိုင်တာဝန်ယူထားတဲ့ ကိုကိုက လကုန်ရင် ဒေါက်တာဘွဲ့အတွက် ပညာတော်သင်သွားရမည့်သူ။
သို့သော် ဆရာလင်းထင်ရောင်တစ်ယောက် ထိုမဟာအခွင့်အရေးကို လက်လွှတ်ဖို့ကြံရွယ်နေသည်ကို စကားပြောရင်း အမှတ်တမဲ့ သိလိုက်ရတဲ့နောက် ကိုယ်ကပဲပြန်ပြီး လက်မလွှတ်ဖို့ တိုက်တွန်းနေရသည်။
ပညာတော်သင်သွားဖို့၊ရက်၃၀ပြည့်လို့ ခွဲစိတ်ပြီး လမ်းပြန်လျှောက်လို့ရရင် လန်ဒန်ကို လိုက်လာခဲ့မှာဖြစ်ကြောင်းတွေ တဖွဖွပြောနေပေမယ့် ပြန်မပြောနားမထောင်ကိုရေခဲတုံးလေးက ဟိုလိုလိုဒီလိုလိုလုပ်နေခဲ့တာ။
နေ့လည်ပိုင်း ဆေးသောက်ပြီး လူကပြန်အိပ်ပျော်သွားပြီး နိုးလာတော့ ကိုကိုမရှိတော့။ဖုန်းဆက်လို့လည်းမရဘဲ ကိစ္စရှိလို့ ကျောင်းကို ခဏသွားတယ်ဆိုတဲ့ msgသာပြန်လာပြီး ကြီးပုကိုလည်း ထိုအတိုင်းပဲ မှာခဲ့သည်ဟုသိရသည်။
ВЫ ЧИТАЕТЕ
နွေဦးလေပြည် ချစ်သက်သေတည်(ေႏြဦးေလျပည္ ခ်စ္သက္ေသတည္)(Completed)
Любовные романыStart Date:March 20,2022 End Date :September20,2022 A beautiful love story between two boys,called Saw Nway Oo and Linn Htin Yaung
