​နွေဦး​လေ​ပြည် ချစ်သက်​သေတည်​(​ေႏြဦး​ေလ​ျပည္ ခ်စ္သက္​ေသတည္​)(Completed)

Part37(U,Z)

"​မောင်...ငါ အ​ဆောင်ကို​ရောက်ပြီ၊ ဒီမှာ ငါ့အခန်း၊​​ဘေးက အခန်း​​ဖော်က​တော့ မလာ​သေးဘူး"

Video callက​နေတဆင့် မြင်ရတဲ့ ကိုကို့ရဲ့အခန်းက သပ်သပ်ရပ်ရပ်နဲ့ ​နေချင်စဖွယ်​တော့ အရှိပါပဲ။အခန်းရဲ့ နံရံတစ်ဖက်တစ်ချက်မှာ တစ်​ယောက်အိပ်ကုတင် တစ်လုံးစီကပ်ထားပြီး အလယ်နံရံက မှန်ပြတင်းက​နေ ​ကျောင်းပရဝုဏ်ထဲက မီး​ရောင်​တွေနဲ့အတူ သစ်ရိပ်သစ်ပင်ကြီး​တွေကို မြင်​နေရတာဟာ စိတ်​အေးချမ်းမှု​ကို ရ​စေသည်။
ကိုကိုဟာ ဒီလို​​နေရာ​တွေအထိ ကိုယ့်အားကိုကိုးရင်း တက်လှမ်းနိုင်တဲ့ အရည်အချင်းရှိတာပဲလို့ ​တွေးမိပြန်​တော့ ​ကျေနပ်ဂုဏ်ယူစိတ်​တွေဟာ တဖွားဖွား။အထုပ်​တွေ​တောင် ​နေရာတကျမဖြစ်​သေးခင် ကျ​နော့်ကို အရင်​ခေါ်ပြီး အသိ​ပေးတဲ့ ဒီကိုကို​လေးဟာ ဘယ်​လောက်​တောင် ချစ်ဖို့​ကောင်းလိုက်ပါသလဲ​လေ။

"​အင်း...အားလုံးအဆင်​ပြေတယ်မလား အသက်၊
​လေယာဥ်အကြာကြီးစီးထားရ​တော့ ​မောင့်အသက် ပင်ပန်း​နေ​တော့မှာပဲ
လန်ဒန်က​နေ မန်ချက်စတာကို ဘယ်လိုဆက်သွားလဲ၊​​သေချာ​ပေါက် ကားနဲ့မဟုတ်ဘူးမလား ဟင်"

"အဟွန်း...​မောင်ကလဲ ရထား​တွေဒီ​လောက်​ပေါ​နေတာကို၊သက်သက်သာသာနဲ့ ၂နာရီ​ကျော်​လောက်စီးလိုက်ရင် ​ရောက်တာပဲ​လေ"

"အင်း...အဲ့လို​နော် ​မောင့်စကားကို နား​ထောင်တာ၊ပင်ပန်းမှာစိုးလို့​ပေါ့ ​မောင့်အသက်ရဲ့
ပိုက်ဆံ​တွေသိပ်မ​ချွေတာနဲ့​နော် ကိုကို၊လိုတာရှိရင် အကုန်ဝယ်"

"​အေးပါကွာ...​မောင်က အကြီးလား၊ငါကအကြီးလား မသိ​တော့ဘူး"

"အဟွန်း....မသိဘူးဗျာ၊ဘာဖြစ်ဖြစ် စိတ်ပူတယ်၊စိတ်မချဘူး
လက်စွပ်လည်းမချွတ်နဲ့​နော် ဝတ်ထား၊​​တော်ကြာ ​ပေါင်တံရှည်အဖြူမ​တွေက ဇွတ်လာချိတ်​နေကြဦးမယ်"

​​စူပုပ်ပုပ်နဲ့​ပြောတဲ့ ​မောင့်​ကြောင့် ရယ်မိရသည်။မသွားခင်ညကပဲ အပြင်ခဏထွက်သွားပြီး ပြန်လာ​တော့ ​ငွေ​ရောင်လက်စွပ်နှစ်ကွင်းပါလာခဲ့တာ၊ဒီတိုင်းဆို ​အဖြူ​တွေရန်က စိတ်မချရဘူး၊ပိုင်ရှင်ရှိမှန်းသိ​အောင် ဒါဝတ်သွားရမယ်ဆိုပြီး ​မောင်ကိုယ်တိုင် ဝတ်​​ပေးလိုက်တာမို့ ​လက်စွပ်ဝတ်​နေကျမဟုတ်​ပေမယ့် ဝတ်ထားရတာ။အခုလည်း video callက​နေတဆင့် လက်ကို ပြူးပြဲ​အောင် လိုက်ကြည့်​သေးတာ
လက်စွပ်ကိုမြင်မှ ​ကျေနပ်အပြုံးကြီးနဲ့ ဖြစ်​နေတဲ့ လူဆိုး​လေးပါပဲ။
အင်္ဂလန်စံ​တော်ချိန်အရ မန်ချက်စတာမှာ ည​၇နာရီခွဲဆို​ပေမယ့် မြန်မာ​မှာ​တော့ မနက်၁နာရီဆိုတဲ့ အချိန်ကို ​ရောက်​နေပါပြီ။အခုထိ မအိပ်​သေးဘဲ ​ကျ​နော်​ရောက်မှာကို ​ထိုင်​စောင့်​နေမယ့်သူကို ​တွေးမိ​တော့ ပစ္စည်း​တွေ​တောင် ​နေရာမချအားဘဲ အရင်ဆုံး အ​ကြောင်းကြားရသည်။မဟုတ်ရင် ​မောင်တစ်​ယောက်ဟာ အိပ်မှာမဟုတ်​တော့။ခု​တောင် အိပ်ရ​သေးပုံမ​ပေါ်တဲ့ မျက်လုံး​​တွေက အပြူးသား