بعدما ظننتها تبادلني الشعور

البارت الثاني عشر ..

لا اعلم هل هي تفهم اللغه العربية ام لا ..

قُلت لها .. :

مشاري : عربية ؟

اريام وهي تمسح دموعها : ايه .

مشاري : طيب ليه تبكين ؟

اريام : ابي ابوي ..

مشاري : وابوك وينه ؟

اريام : مدري ضعت منهم .

مشاري : طيب لا تبكين ،، راح نلقاهم .

اريام تبكي اكثر : انا هنا لي اكثر من ٤ ساعات مالقيتهم .

مشاري يطلع جواله : طيب عطيني رقمه .

اريام : ماعرفه .

مشاري : طيب تعالي معي ..

اريام بخوف : لالالا خلاص شكرًا لا تساعدني .

مشاري : يا بنتي بمشي قدامك هنا فيه مقهى خلينا نجلس واعرف اتصرف ..

اريام : لالالا .

مشاري : شوفييه قدامك هذا المقهى ،، بروح والحقيني له ولا اسبقيني انتي .

اريام بتردد : لا ...

مشاري : بروح يابنتي والحقيني ..

ــــ

ذهبت وانا اشعر بالذعر اكثر منها ..

عيناي تتمرد وتراقب خطواتها ..

عندما وصلنا ، كانت بالقرب من الباب .

ــــ

مشاري : خلاص خلينا هنا ..

اريام تمسح دموعها : طيب ...

مشاري : طيب يا اختي ابي اسم أبوك كامل ..

اريام : وكيف بتطلع رقمه من اسمه ؟

مشاري : بتصل بشخص بالسفاره وبيعطيني معلومات ابوك بس عطيني اسمه .

اريام : ناصر فهد ......

مشاري يتصل بعمر : مرحبا عمر .

عمر : اهلين .. ها فكرت ؟

مشاري : بعدين ، ابيك بموضوع ثاني .

عمر : واللي هو ؟

مشاري : مضيع لي واحد هنا وابي رقمه .

عمر : تركي ؟

مشاري : لا .

عمر : طيب وش اسمه ؟

مشاري يناظر اريام : نااصر بن فهد بن ......

عمر : طيب عطني ربع ساعه وادق عليك .

مشاري : عمر استعجل بالموضوع .

عمر : ليه ؟

مشاري : لا تسأل استعجل وبس .

عمر : طيب .

ــــ

اريام : عطاك الرقم ؟

مشاري : قال اصبر ربع ساعه وبيدق علي .