بعدما ظننتها تبادلني الشعور

البارت الواحد والاربعون ..

مشاري : ايه يبه ،، انت ابوي بدر .. محد حزن علي يوم سافرت تركيا كثرك .

أبو طلال يبكي : أي والله .. الله لا يعيد ذيك الأيام .

مشاري : ان شاء الله انها ماراح تنعاد .. يبه ابي اطلبك طلب ..

أبو طلال : انت تامر يا مشاري .. انت تامر يا ابوي .

مشاري : يبه .. ابيك تعطيني الشي اللي يطيب خاطري ، ولا خلني أقوم .

أبو طلال يمسك يد مشاري : لا والله .. والله ماتقوم ، قول فديتك قوول .

مشاري : يبه ،، ماراح تردني ؟

أبو طلال : والله ما اردك .. قول جعلني قبلك .

مشاري : بسم الله عليك .. انا اول .

أبو طلال بفزع : لااا .. الله لا يقوله . وافقدك مره ثالثه .

مشاري : يبه فديتك .. ابي منك الموافقه .

أبو طلال : موافقة ايش ؟

مشاري : نوف ، انظلمت كثير .. هي البنت متفوقه وشاطره ،، حرام تبروز شهادتها وتعلقها بسبب عقلية احمد . الدنيا بخير والناس تطوروا ،، و الله قال في كتابه : ( قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا ) صدق الله العظيم ..

أبو طلال : صدق الله العظيم ..

مشاري : نوف لما تروح تتوظف فالمستشفى ،، هي تساعد الأرواح هذي المسكينه .. ولا تنسى انا كنت من ضمن المرضى ،، وكيف انتم انشغل بالكم وبغيتوا تموتون الا شعره .

أبو طلال بحزن : أي والله .. الله لا يعيد هذاك اليوم .

مشاري : امين .. طيب يبه وش قلت .. ابي موافقتك ان نوف تروح تتوظف فالمستشفى . احمد معارضها واحنا تطورنا والدنيا امان ،، وغير ذلك نوف ماشاء الله محتشمه ومؤدبه .. يعني حتى مانخاف منها ، من البنات اللي نفتخر فيهم .

أبو طلال : أي والله صادق .. نوف ماشاء الله عليها ..

مشاري : ها يبه وش قلت ! موافق ؟

أبو طلال : والله انا عطيتك كلمه اني ما اردك .. حتى لو اني ناوي اردك عقب كلامك مايجي للرفض مجال .

مشاري : يعني اروح ابشر نوف ؟

أبو طلال يبتسم : روح روح .. الله يحفظك لي ولا يختبر صبري فيك .

مشاري : واحمد ؟

أبو طلال : احمد ماراح يعارض ابوه .

مشاري يبوس  راس ابوه ويده : الله يخليك لنا يبه ،، بروح ابشر نوف ..

أبو طلال : ويخليك يا مشاري ،،

ــــــــــــــــــــــــ