بعدما ظننتها تبادلني الشعور

البارت التاسع عشر ..

اعلم بإن والدي قد استوطن الشك قلبه ..

لا يثق بي ، لا يثق بإني فعلًا سأعود ..

من اعتاد على على القلق ظن بإن الطمأنينه كمين ، كما يقولون .

بدأت بترتيب امتعتي ،،

وخلدت للنوم ، فلدي طريق سفرٍ طويل ..

ـــــــ

عندما استيقظت .. رأيت والدي نائم بالقرب مني ..

نزلت دمعةٌ من عيني بسبب شك والدي .

ذهبت لأمي ،، والقيت التحيه على أخوتي ..

اخبرت امي واخوتي بإني ذاهب الى حائل اليوم ،،،

يجب علي بإن استقبل ناصر وابنته ..

ـــــــــ

ام طلال : ومالقوا الا حايل ؟

طلال : الله يقطع الطاري .

مشاري يضحك : ههههههههه استغفر الله ، الشكوى لله .

ام طلال : من بيروح معك ؟

مشاري : اظن ابوي ..

طلال : ناصر وبنته قلت ؟

مشاري : أي .

طلال : عندهم سياره ؟

مشاري : لا باخذهم انا بسيارتي .

طلال : اجل بكلم ابوي لا يروح معك .

مشاري : لا خله يمكن يرتاح .

طلال : لا البنت معكم ، يمكن تنحرج لا شافت ابوي ..

مشاري : عادي كبر جدها .

طلال : الله ! وانت وش اجل ؟

مشاري : ابوها .

طلال : هههههههههههههههه ماتبون اخو صغير ؟

مشاري : اذا انت لا .

ام طلال : هههههههههههه خلاص اجل .. تغدا وروح ..

أبو طلال : وين يروح ؟

ام طلال : حايل .

أبو طلال : انا بروح معه .

مشاري : مرحبا والله .

طلال : لا يبه ، لا تروح . يقول بياخذ بنت صديقه ، أخاف البنت تنحرج .

مشاري : لا ترد ابوي يا طلال . اذا يبي يجي ، خله يجي .

أبو طلال : كم ليله بتقعد في حايل ؟

مشاري : ليله .. بمشي اليوم متأخر ، هم الصباح في مطار حايل ، اخذهم واجي .

أبو طلال : لا .. روح بدري ، ارتاح ونام والصبح خذهم وتعال .

مشاري : ابشر ، اجل اتغدا وامشي .

ــــــــ

غيّر والدي رأيه ، عندما علم بإن اريام سوف تأتي مع والدها ..