بعدما ظننتها تبادلني الشعور

البارت الثلاثون ..

ناصر يضم ولده : البقا ..

فهد : سويتها وجيت .

ناصر : ماقدرت اتحمل ، وبعد قلت بجيب ملابس لاريام .

فهد : وشفتها ؟

ناصر : ايه .

فهد : والله بنتك عذبتنا يا يبه .

ناصر يتنهد : أي والله تعاند . المهم اترك اريام ،، ترى طلال بيجي .

فهد : شلون ؟

ناصر : كلمته ، ابي اعلمه ولكن أصرّ انه يجي .

فهد : على خير ،، المهم عندنا ان مشاري يقوم بالسلامه ..

ناصر : بإذن الله انه بيقوم .. بس يافهد انا ودي اشوفه قبل العمليه .

فهد : يبه صعبه والله ،، احنا عازلينه بالعنايه ، مانبي احد يدخل عليه الا معقم ..

ناصر : معليه عقموني ، فهد ابي اشوف مشاري ..

فهد : على خير يبه ..

ــــــــــــــــــــــ

ذهبت لأستعد للدخول على مشاري ، لم اكن أتوقع او اتخيل بإني سوف أرى مشاري مستلقي ، مستسلم للموت ،،

الاجهزه تحاوط رأسه ،،

رأسه يلتف حوله جبيره تثبته ،

تُغطي اذنيه ،، وجبينه ، الاكسجين مثبت داخل فمه ..

وعيناه يلتف حولها الكدمات ..

أصابع مشاري التي يكسوها الشعر أصبحت يكسوها الجروح والشقوق .

انا ومشاري في غرفةٌ واحده ،، ولكني لا اسمع صوت مشاري ،، انما اسمع صوت جهاز تخطيط القلب ..

ضممتُ يداه بين يداي ..

ناصر بحزن : مشاري ،، هذا انا ناصر ..

مشاري لا يستجيب : ................

ناصر يتنفس بعمق : ..............

ناصر يضم يد مشاري : مشاري ،، عمك ناصر جا .. قوم رد علي ، هاوشني يا مشاري انا أقول لك اني عمك .

مشاري لا يستجيب : ...............

ناصر : مشاري ،، طيب ماتبي تشوف بنتك ؟ بنتك تعبانه من عقبك ..

مشاري لا يستجيب : .............

ناصر : قوم يا مشاري ،، قوم وخلني انا انسدح مكانك . انا تعبت من دونك ،، ذبحتني يا مشاري ،، طلعت في حياتي عشان تذبحني ؟ ليتك ما لقيت اريام .. ليتك مالقيتها ..

مشاري لا يستجيب : .............

ناصر يمسح دمعته : اذا تحركت يا مشاري بدخن معك ..

مشاري لا يستجيب : ................

فهد يحط يده على كتف ابوه : طلال جا ،، احتاجكم فالمكتب بعد ربع ساعه .