ذهبتُ لشراء بعض الشوكولاه ،،
وعدتُ للمنزل ،،
بدأت عائلتي بتجهيز الضيافة من اجل استقبال فهد ووالده .
وعندما جاء الموعد ، طُرق الباب ..
بدأنا بالترحيب وتبادل السؤال عن الحال ..
ناصر : والله احنا جايين يابو طلال وعندنا طلب.
أبو طلال : انت تامر يا بو فهد .
ناصر : مايامر عليك عدو ،، احنا جايين نبي القرب منكم في بنتكم نوف لولدنا فهد .
أبو طلال : هذي والله الساعه المباركه ،، اللي نناسبكم فيها وتناسبوننا .
ناصر : ساعتك ابرك طال عمرك ،، ابد احنا بين اياديكم ،، كل ماتبي وكل ماتشرط بنتي نوف مجاب .
أبو طلال : الله يطول في عمرك .. دام بنتي عند فهد ، ماعاد نبي شي .. المهم سعادتهم وتوفيقهم .
ناصر : وعمرك طويل ،، طيب لو تشاورون الأهل ؟
مشاري : موافقين .
ناصر يبتسم : ماشاء الله الرد سريع .
مشاري يضحك : ههههههههههههه مجبورين على السرعه .
ناصر : الله يتمم لكم ولنا على خير .
أبو طلال : شوفوا الوقت عشان التحليل وإجراءات الزواج .
ناصر : بكرا ان شاء الله .
أبو طلال : على خير ،، الله يتمم لك يا فهد ، ويوفقك .
فهد : الله يبارك فيك ياعمي ، عقبال احمد .
احمد : اللهم امين . جُزيتُ خيرًا .
طلال : ودام الكل مجتمع ،، احنا بعد نبي نكلمكم في موضوع .
ناصر : امر يا طلال .
طلال : مايامر عليك ظالم يابو فهد .. انا ومشاري حددنا العرس .
ناصر : ماشاء الله ،، ماعلمني الهيس .
مشاري يضحك : توووه اليوووم ،، حتى ماحجزنا القاعه .
ناصر : ومتى العرس ؟
مشاري : الجمعه ١٦/٤ .
فهد : الشهر الجاي !
مشاري : ايه نعم ،، الشهر الجاي .
ناصر يبتسم : مستعجل .
مشاري : أي والله تعبت من المرمطه .. ومنّتك .
ناصر يضحك : ههههههههههههههههه ،، الله يوفقكم اجل ..
طلال : عقبالك يا ناصر .
ناصر مبتسم : ................
فهد : امييييييين .
أبو طلال : الظاهر ان الولد يبي ابوه يعرس بأي طريقه .
أنت تقرأ
بعدما ظننتها تبادلني الشعور
Romansaتحكي الرواية عن قصة شاب مشاري احب ابنة خاله ريم حباً جنونياً .. وكان يعتقد بإنها تبادله المشاعر نفسها ،، غير من نفسه كثيراً في سبيل ارضائها ،، ولم يكن يعتقد بإنه سوف يواجه واقعٍ يعجزُ الكُتّاب عن وصف المراره التي واجهها مشاري ،، ماذا سيحدث لمشاري...
