بعدما ظننتها تبادلني الشعور

البارت الثامن عشر ..

مشاري : اهلييييين .

نوف تبوس كتف مشاري : نورت دنيتي .

مشاري يبوس يد اخته : انا اللي نورت دنيتي والله .

ام طلال : الحمدلله اللي ربي اكرمني وجمعكم حولي .

أبو طلال : مشاري ..

مشاري : لبيه يبه .

أبو طلال : لبيت حاج ، انا عندي شغل بس أخاف اني اطلع وارجع ما القاك ..

مشاري يناظر طلال : يبه روح طلال بيحرسني ..

طلال : انا بخاوي ابوي .

مشاري : خلاص امي بتحرسني ..

أبو طلال : لا تتحرك .

مشاري : لا بقعد عند امي ، انتوا روحوا وتعالوا نكمل سوالف .

أبو طلال يبوس راس ولده : استودعتك الله اجل .

ـــــــ

بعدما غادر ابي وطلال .. بدأت نوف بالتحقيق ..

ــــ

نوف : قول لي وش شفت هناك بتركيا .

مشاري : شفت ؟ عادي وش تبين اشوف ؟

نوف تلتفت : وين عيالك ؟

مشاري يضحك : عندهم مدرسه .

نوف : جد .. وين عيالك ؟

مشاري يبتسم : بنتي بتجي بعد يومين ..

ام طلال بشهقه : وش !

مشاري يضحك : هههههههههه شفيك يمه .

نوف : جد والله ؟

مشاري : ماعندي عيال يابنت .

نوف : ماتزوجت تركيه ؟

مشاري : لا .

نوف تهمس : ماعشت قصة حب جديده  ؟

مشاري يتنهد : لا .

ام طلال : ترى بضربك يا نوف .

مشاري يضحك : ههههههه صرتي معنفه من عقبي ؟

نوف : شفت كيف ياخوي ؟

نوف : طيب علمني وش جبت لي ؟

مشاري : اووووه واجد اصبري بجيب اغراضك .

نوف : لالالا علمني انا بجيب اغراضي واغراض البنات ، بختار اللي ابي .

مشاري : روحي طيب تلقينهم عند الباب .

نوف : يلا يلا .

ــــــــــ

عندما قلت ابنتي ،، شعرت بإن قد عاد الاكسجين الى رئتي ..

إني اشتاق لعينيها ..

اريد ان اتصل بوالدها ، ولكن ليس الان ..

جاءت نوف بجميع امتعتي ..

وبدأت بإستعراض الامتعه واكتشاف الهدايا ..