نور

رسالة

بعد استيقاظي من النوم لكيت رسالة جايتني على الواتس اب من رقم غريب
فتحت الرسالة ، واذ تطلع سارة

سارة : هلو نور هذا رقمي حفظي يمج
نور : هلو عمري ماشي تمام

انتظرت ترد عليه لكن ماكو رد بعد مرور ربع ساعه شافت الرسالة

سارة : شلونج نور شلونه اول يوم الج
نور : يعني طبيعي
سارة : بيج شي ؟
نور : لا ليش
سارة : مو احس كلامج مثل الضايجة
نور : لا بس لان ستوني كعدت من النوم
سارة : ماشي حياتي اخليج ترتاحين تصحصحين
نور : ok اصحى واجيج
سارة : اخذي راحتج

تركت تلفوني ونزلت اغسل وجهي لكيت ماما واخواتي بالحديقة طلعت يمهن سألني على اول يوم دراسي الي بالمدرسة الجديدة وجاوبتهم أن عادي

نور : ماما راح اصعد لغرفتي اذا ردتي شي حاجيني
سعاد : تمام حبيبتي

رجعت لغرفتي وكان بداخلي احساس اني احاجي سارة ،
شيء بداخلي احسه يجذبني الها ، معقولة كرشت عليها مثل ما كالت رسل ؟
لالا اكيد اني دخت ..