نور

فراشتي 🦋

تصاحبُني الفراشاتُ أينما أكونُ ف الطيورُ على شاكلتها تقعُ وأنا أحملُ بداخلي فراشة هذه الفراشةُ هي أنتِ.

أستمرت الايام كنت اتعافى مع كل يوم يمر علينا
جاءت امتحانات السادس وكانت هند تمر بـ حالة نفسية صعبة جداً بسبب الضغط النفسي عليها ، حتى حان الامتحان الأخير ، كنت كاعدة ويا ماما بـ الصالة ..

سعاد : نور حبيبتي كومي شوفي هند اذا جوعانة
نور : ماشي هسة اروحلها

دكيت باب غرفتها ..

هند : مـنو
نور : شرطة الاطفال فتحي الباب
هند : نجبي ودخلي
نور : السلام عليكم دكتورة
هند : ههههههه شتردين
نور : دكتورة سعاد تكول كولي لهند جوعانه تحب اسويلها شي
هند : اي والله نور اريد شي حلو
نور : صار بعد اوامر ثانيه يباشا
هند : لا هاي هيه حبابه بساع

رجعت للصالة ...

سعاد : ها شكالت
نور : الدكتورة تريد شي حلو حسب تفكيري هند حامل
سعاد : عزه بعينج شنو

هنا انتبهت اني جفصت وشون راح احاول احلها

نور : لا ماما يعني تكول اريد شي حلو
سعاد : لا شكلتي قبلها الكلمة
نور : لا ماما مكلت شي والله
سعاد : تعالي

تقربت منها جنت متأكدة حتكرصني جرتني من اذني

سعاد : نور شكلتي عيدي الكلمة
نور : اخ ماما شنو مكلت شي
سعاد : عيديها بعد وشوفي شسويلج
نور : اي
سعاد : تعالي ابوسج يله
نور : ما اريد
سعاد : حبيبتي عيب هل كلمة
نور : اي ماما شسوي عقلي هيج خلاني احجي
سعاد : ههههههههه دروحي دزيلها كيك وعصير
نور : حاضر ام نور

حضرت الكيك لهند ودزيته الها ، رحت لغرفتي اخ سارة النذله ماهيه اتصلت عليها ....

نور : الو
سارة : الو تفضلي منو
نور : هااا منو ؟؟؟
سارة : اي عيني منو ويايه
نور : اخ لج عيني حابه اتعرف فدوه
سارة : اوي لتتحرشين عفية
نور : لج اي عيني احب التحروش
سارة : هههههه سافلة مو بيدج
نور : تربيتك حبيبي
سارة : شلونها اميرة روحي
نور : الحمدلله حبيبي وانتي
سارة : اني اكون زينه من احظنج
نور : اي والله سارة كلشش مشتاقين اني وحظني
سارة : لتخليني هسة اجيكم
نور : افيششش ياريت
سارة : حظرولنا عشا راح اقنع ماما ونجيكم
نور : يالله شنو البس الك حبيبي
سارة : بدون ملابس ممكن
نور : اكلي عسل خوش
سارة : اكلت ههههههه
نور : يله راح اكول لماما خوش
سارة : تمام يله

نزلت لماما اركض ..

سعاد : نوررر لتوكعين ولج
نور : ماما ماما اوكفي خلي اخذ نفس
سعاد : يمه شبيج مصكوعه
نور : ام سارة وسارة اليوم يجون يتعشون يمنا
سعاد : هله بيهم ركض للمطبخ طبخي
نور : يله هسة رايحه
سعاد : هههههههههه وين تعرفين اطبخين انتي
نور : اي والنبي صدك هههههه صايره انسى
سعاد : لا حبيبتي عادي ، هسة نكوم اني وياج نفكر شنو نسوي
نور : يله