نور

بداية تعرف

فكرت ارجع احاجيها بس كلت ما اراسل احسن ، يمكن احساسي غلط ،
هاي شبيه اني بشنو افكر شنو احب شنو بنيه ؟؟؟
افكار افكار هلكت روحي ، قررت اترك تفكيري ومثل العادة أفتح أغنيتي المفضلة ، اثناء تفكيري بالاغنية تذكرت سارة واجاني احساس أن ليش افكر هيج وبهل طريقة ممكن البنية تكون صديقتي وماله داعي تفكير السلبي ، اراسلها ونتعرف اكثر احسن شي
نور : هلو اجيت اني
سارة : هلو نور ، تاخرتي خما بيج شي
نور : لا بس نزلت يم ماما واخواتي
سارة : صدك ما عرفت شكد عندج اخوات
نور : اوو واني نسيت احجيلج لان جانت الفرصه صغيره شوفي داكلج خلي نتصل ونحجي مبيه حيل اكتب '' عندي ثنين اخوات ....
سارة ؛ اثناء حديث نور الي جنت لأول مره بحياتي اكون منصته لبشر بهل عمق والتركيز ، حسيت ويا كل كلمة تخرج من حلكها احس مثل النسمة الباردة تمر على قلبي ، صحصحت حتى ما تحس اني ذايبه بطريقة كلامها😭😂
نور : وهاي عائلتي
سارة : نور عادي اسألج شي ؟
نور : سألي عمري عادي
سارة : وابوج ما جبتيله طاري ابد ؟ سكتت نور لدقيقه
نور : ابويه ما شايفته ابد جانت ماما حامل بيه وتركنا وهاجر وقبل كم سنة بدون تعمد جنت ستوني كاعده من النوم نزلت سمعت ماما تحجي ويا جدو أن عرف ابويه مزوج وعنده عائلة وعايش بامريكا ،it's ok عادي يعني الموضوع مو مهم بالنسبة الي
سارة : نور اسفه اذا ضوجج سؤالي والله مو قصدي
نور : لا لج عادي والنبي
سارة : زين خلي احجيلج عن اهلي
نور : تمام عمري
سارة : شوفي اني وحيدة لأهلي وتكدرين تكولين اكثر وحده مدللة بالدنيا ،
نور : مبين عليج من شعرج هههههه
سارة : لج شعري شبيه
نور : يخبل والله هههههه
سارة : فدوه الج الشعر وصاحبته ههههه
نور : اي سارة شنو حيوانج المفضل
سارة : اكلج ومتزعلين
نور : لا عادي ليش ازعل
سارة : انتي 😔😂
نور : اني حيوانه يا حيوانه😂😂
سارة : واحلى حيوانه بالدنيا
بقينه نحجي ودخلنا بمواضيع هواي ''
تقريبا واحد عرف الثاني وكلشي يتعلق بيه
سارة : نور هم دخلتي بعلاقة حب
نور : لا ابد
سارة : شنو السبب
نور : اكلج وما تنصدمين
سارة : عادي
نور : ما احب ادخل بحياة الولد
سارة : يعني تحبين البنات 🌚😉
نور : ههههههه مو هيج بس
سارة : عادي عادي اني مثلج
نور : فهمتيني غلط بس هيج سدي الموضوع 😂😂
سارة '' جان جواب نور الي اشبه بداية امل لمشاعري تجاهه
بقينه نحجي اني ونور لحدما اخذنا الوقت بدون ما نحس
نور : سارة حبيتج وجودج لطيف بحياتي
سارة : واني هم حبيت وجودج هواي واحس راح علاقتنا تصير قوية
نور : انشاءالله ، هسة لازم اروح باجر نشاوف بالمدرسة
سارة : تمام انتبهي لنفسج
نور : تمام حبيبتي
نور ''
بعد انتهاء محادثتي ويا سارة حسيت باحساس كُلش حلو فرحني وغير مودي كُلش حضرت جنطتي للدوام كملت العشه ويا اهلي وصعدت انام
لكيت رسالة من سارة ''
نور اني حيل فرحانه وما اعرف شلون راح انام من الفرح ، لا تنصدمين بس فرحانه حيل احبج وتصبحين على خير باجر نلتقي

نور '' يالله شكد فرحت من شفت رسالتها ،