نور

كلشي رمادي صار حتى عيوني.

‏‎ ‏‎الأسوأ  من أن تصاب بأمر جلل، هو أن تُمنع من الحديث عنه، أو الإشارة إليه، أو التلميح حتى، ما أثقل حزنًا لا تستطيع بكاءه

متمددة على سريري ، بعد ما راحت رسل بقت الافكار تحوم بـ رأسي فكرة تجيبني والثانيه تاخذني بعد ما اثقلني التفكير نمت ..

صحيت على الاتصال كنت بالكاد افتح عيوني

نور : الو

رسل : نمتي نور

نور : ها رسل اي

رسل : شلون صرتي

نور : مدري احس جسمي متكسر

رسل : سوده عليه نوري

نور : لا لج اسم الله

رسل : زين حبيبتي كعدي ارتاحي شويه

نور : هوه حكعد

رسل : اي عفية يله

نور : رسل

رسل : ها حياتي

نور : احبج

رسل : واني هم نوري احبج بكد النجوم

نور : الله بكدهم يعني

رسل : اي لج هيج بكدهمم هههه

نور : مداج ولي ههههه

غلقت الاتصال وبقيت صافنه على السقف ، معقولة بديت احب رسل ؟ ما كاعدة اصدك هل شي اني شلون كدرت انسى سارة بهل سرعة ؟ شلون كدرت اتخطى اول احساس الي ، ما اعرف كُلشي خلق الحيرة بداخلي هل هذا الشعور اعجاب او املي فراغي الي خلفته سارة بعد رحيلها بهل اثناء سمعت صوت بالصالة ، اكيد هاي سمر خلي انزل الهم ، نزلت شفت خاله فاطمه ...

نور : هلو خاله

فاطمه : هلو نور كعدتي

نور : اي ستوي

فاطمه : يروحي شفتج نايمه محبيت اكعدج

نور : لا عادي ، لعد سمر وهند لسه ما اجوي

فاطمه: بالطريق جايين

نور : امم زين

فاطمه : تعالي نكعد سويه نسولف

كعدت بصف خاله فاطمه حظنتني وبدينه نسولف عن الاسبوع الفات وشنو الاشياء الي تغيرت خلال هل مدة ..

فاطمه : نور اريد نحجي بـ موضوع اني وياج

نور : اي خاله

فاطمه : شلونه قلبج ؟

نور : خاله مابيه شي ..

فاطمه : قبل لتكملين ، نوري اني وياج مو ضدج حبيبتي بس اريد اطمن عليج وانصحج وما اخليج تتاذين

حسيت بـ راحه من كلامها وصار عندي شعور يدفعني احجيلها

نور : ما اعرف اذا چنت زينه