نور

السليمانية ❄️

‏"جئتَ خفيفًا، كأنك الباقي من الأمل..

صحيت من النوم بـ شعور جميل جداً اخيرا سفرة اريح نفسي بيها شوية ، بقيت بـ سريري افكر شلون راح اتحمل كل هل يوم المقبلة بدون ماما ، لاحظت ماما ماهيه بمكانها انتبهت للساعة ٨ صباحاً ، اكيد ماما راحت للدوام
كمت من مكاني غسلت وجهي ونزلت حسيت بجوع شويه سويت شي خفيف اكلت وجان بيتنا مبيه احد لعد وين راح الكل ؟ اجاني اتصال من سارة ..

نور : هلو سارة
سارة : هلو نوري شلونج اليوم
نور : الحمدلله حبيبتي وانتي
سارة : الحمدلله كُلشي تمام
نور : اي زين بيش الساعة نطلع
سارة : شوفي صار شويه ترتيب بالروحة
نور : شلون يعني
سارة : هسة افهمج ، علساس نروح سيارتين فـ هسة بطلنا
امي اجرت سيارة كوستو كبيرة النا كلنا علمود ناخذ راحتنا وشغله ثانيه احنا صرنا هواي يعني اني وماما رسل نرجس تبارك سمر خالتج وانتي فـ هيج احسن
نور : هم صح ناخذ راحتنا
سارة : اي حبيبتي
نور : سارة امم
سارة : ها نوري
نور : احبج
سارة : اموتت عليج ، لتنسين شي من اغراضج وحتلو نسيتي لتهتمين اوك
نور : كُلشي جبته ويايه مخليت شي
سارة : عفية عليج

كملنا اتصالنا اني وسارة ودعتها وجان المفروض يجون بـ ٢ الظهر لبيتنا ونروح ، اتصلت بعد سارة بـ سمر ..

نور : سمر وينكم محد
سمر : نور اني وخالتي نجيب فلوس خاله ناسيتهن بالبيت
نور : ها تمام خاله ام سارة مأجرة سيارة كبيرة النا كلنا
سمر : ها حلو يعني ماكو داعي لسيارة خاله
نور : اي نعوفها
سمر : يله تمام ، ربع ساعة ونجي
نور : ok

بهل اثناء انطيت اكل لماركو واجتي هند صار بينا حديث اشبه بـ الرسمي لان حسيت بنفسي ما طايقتها ، وصلت سمر وخاله جان الوقت يمشي ببطئ جداً بنفس الوقت ضايجة لان مراح اودع ماما اكيد ، الساعة ١٢ سمعت صوت رنين تلفوني ماما تتصل عليه ..

نور : الو
سعاد : نورايتي
نور : ماما ليش رحتي بدون ما تودعيني
سعاد : حبيبتي صار عندي اجتماع من وقت وما حبيت اكعدج ياعمري
نور : يعني مراح اودعج
سعاد : حبيبتي اسفه بس والله ملحكت وخطيه اكعدج من الفجر ، بوستج من وجهج ورحت
نور : ماما احبج لتنسين
سعاد : واني احبج واهتمي بنفسي واكلي ولبسي زين ماشي لتنسين
نور : صار عمري

كملنا اتصالنا اني وماما ...

فاطمه : نور يله جهزي نفسج ولبسي ونزلي جنطتج ولتنسين شي من اغراضج ماشي
نور : اي خاله رايحه
سمر : نور الشاحنة مالتج جيبيها
نور : اهوو بدينه من هسة عيني شاحنات وشي
فاطمه : هههههه

صعدت بدلت ملابسي لبست تراك شتوري وترانشوز وجاكيت قطني ونزلت منتظره خاله وسمر يكملن لبس
صار عندي فضول غير يكملن رحت لغرفة سمر جانت خاله تبدل بيها وسمر بـ غرفة هند فتحت الباب كل ظني خاله مكمله لبس ، omg حرفيا حسيت بقشعريره من الخجل خاله بعدها دا تبدل وفتحت الباب عليها انتبهت عليه سديت الباب ورجعت للصاله  حرارة احس تطلع من وجهي من المستحه شلون مدكيت الباب بعد دقائق طلعت خاله ستحيت اخلي عيوني بعيونها شغلت نفسي بـ تلفوني ...