نور

بيت جدي

بعد وصولنا لبيت جدي وجان بانتظارنا مثل العادة بحديقة بيته الي يحبها مثل بناته ،

سعاد : هلو بابا شلونك
جدي : هلو سعاد بنتي شلونج
سعاد : الحمدلله يابه زينه طمني عنك وصلن البنات
جدي : الحمدلله بشوفتجن يمي ، اي ذولي بالبيت
سعاد : لعد اشوفهن واسلم عليهن واجيك
جدي : اي يابه روحي ، وخليني ويا نور نسولف

طبعا اني احب جدو هواي لان شخص مثقف وعقليته حيل مرنه وتتقبل كل الأفكار ،

جدو : اي آنسة نور احجيلي شلون جان اسبوعج الفات
نور : جدو هوه اسبوع عادي مثل بقية الايام
جدو : لا لا اشوف بعيونج هواي حجي منو وياج هند مو ؟
نور : جدو هيه تعيل بيه والنبي اني معليه بيها بس هيه تغار مني
جدو :لا حبيبي شهل حجي هذا انتن اخوات وهيه تحبج بس لان انتِ صغيره بالعمر فـ شنو تصير هل اشياء بينكم طبيعي ما اسولفلج على امج وخالاتج قبل شلون جانن لحم بينهم بس المرحومه بيبيتج جانت تخوفهم ومتخليهن يتعاركن
نور : الله يرحمها جدو بس ماما دوم وياها وتكلي انتِ غلطانه واعتذري منها
جدو : ياعيني هند اكبر منج ولازم امج ما تخليها تحس أن تفرق بينكم + أن هيه امكم تحبكم كلكم سعاد واعرفها
نور : اي جدو هاي هيه اني رايحه للمكتبه مالتك
جدو : اي تمام عيني روحي بس رجعي الكتاب الي تقرأي لمكانه
نور : اي جدو