نور

وكُلما دارحديثاً بيننا تمنيت لو أنهُ عِناق.

ملاحظة مهمة !! البارت يحتوي على نصوص 18+ وجب التنبيه  "

أنتِ هكذا
تأتين
تغادرين
ترقصين
تغنين
تقيمينَ قيامة الأشخاص
تدخلينهم جنتك
ترمين بهم في الجحيم
انتِ هكذا
لا مبالية
تظنين انك مدار الكون
وحقيقةً انتِ كذلك ..

كل الشعور الي دا احس بيه بهاي اللحظات عوضني عن هواي ايام عشتها واني متمنيه وجود احد بـ قربي او بالأحرى كنت فاقده للحب ..

ما حسيت على الطريق لان كل حواسي كنت مكرستهن حتى اعيش كل للحظة بـ حُب بدون تفكير ، اكلنا بالسيارة
وضحكنا وكان كُلشي بيرفكت وحلو ، مع استمرار الوقت
كانت المناظر تتغير نحو الطبيعة والنقاء الجو بارد
والارض مرتفعة اكثر واكثر وصلنا مع حلول الليل
اتجهنا للفندق الي حاجزين بيه ونزلنا حسيت بـ التعب
وشعوري بالنعاس ، منتظرين ماما وام رسل يكملون إجراءات الحجز والغرف ..

رسل : كُلش نعست

نور : اني هم وج

تبارك : اني منعست

رسل : الطريق كُله نايمه غير

تبارك : اي محسيت على الطريق

نرجس : اي متشوفين كتفي نكسر بسبب راسج الكبير

نور : عااا ههههههه

تبارك : راسي كبير ؟

نرجس : بس ابوسه

رسل : ههههههه

اثناء منحجي تقربت خاله ام رسل

ام رسل : يله نصعد للغرف

رسل : ماما شلون غرفنا

ام رسل : هسة نقسمهم

تبارك : خاله خلي احنا بغرفة وحدنا

ام رسل : اي تمام هسة نشوف

صعدنا كنت اسحل بنفسي من كثر التعب
كانو ثلاث غرف ماما وام تبارك ونرجس بـ غرفة
سمر وخاله فاطمه وهند بغرفة
اني ورسل وتبارك ونرجس بـ غرفه
غرفتنا كانت بيها ثلاث اسرة بقينا وحده تباع بوجه الثانيه
منتظرين اللحظة الي تخلي وحده بينا تتبرع وتنام بالارض
انتظرت ماكو فائدة ..

نور : اني حنام بالكاع علما باجر نكللهم

رسل : لا اني انام

تبارك : اني ونوسه انام سويه وانتم كل احد بسرير هيج احسن

رسل : ها نور

نور : بكيفكم

نمت بـ ملابسي من شدة تعبي ،كلها ثواني حتى غرقت بـ نومي ..

أصابعها الناعمة كانت تتحسس خصلات شعري ببطرئ كأنها استرجعت أمانتها تحسب خصلاتي تمسك بعضهم بايدها وتشم رائحته حسيت بـ انفاسها الدافيه بقرب رأسي كنت غارقة بـ نومي لكن شعوري عندها ما حبيت اخسر هل للحظات ابد ..