نور

عائلتي

‏"كل القاسين في حياتي جعلوني شخص رحيم، كل الأزمات جعلتني أقوى، كل المؤذين جعلوني أحرص على مايصدر منّي، كل السوء الذي قابلته حوّلني لشخص أفضل، وهذا انتصاري الكبير."

صحيت على صوت ماما ما اعرف شكد مر وقت واني هيج كانت كاعدة على السرير واني متمددة ..

سعاد : نور حبيبتي بيج شي احجيلي انتي صاحية مو

هزيت برأسي الها

سعاد : كُلشي انتهى ابد لتفكرين بـ الي صار مراح احد يكدر يلمسج واني يمج

تمسح دموعي كنت مطمنه من نظراتها وهيه تحسسني
ماكو مخلوق بهل كون يكدر يأذيني لو يلمسني

سعاد : لتبجين ما عاش الي بجاج ولا راح يعيش
محد يستحقج لا هوه ولا اي مخلوق ثاني لتخليهم يشوفون دموعج اريدج ترجعين قويه وضحكاتج تملي البيت سمر غلطت وتريد تحجي وياج
نور : ما اريد اشوف احد
سعاد : نوري الي صار غصب عنها وسمر ما تقصد اذيتج انتِ طيبة وراح تفهميها
نور : ماما
سعاد : خلص ما اضغط عليج بس ارتاحي ، سارة راحت لبيتهم وباجر تجيج وصيتها

بعد ما طلعت ماما لمست خشمي واحس بـ الم ودم بيه كمت من مكاني اخذت ملابس ونزلت علمود اسبح
كانت ماما بـ الصالة وسمر وهند وخاله فاطمه انتبهوا لنزولي وقفت بـ مكاني كنت اشوف عيون سمر وهنه مليانات دموع وتعابيرها الحزينه خلت ايدها على وجها وبدت تبجي هند شاركتها بهل شي اشوف ماما وهيه تهديهن كنت احس شعورهن بـ الندم للي صار
نظرات ماما الي كسرت حزني وخلتني احس بـ نفسي من جديد اني قوية بسببها مو بسبب شخص اخر تقربت من سمر وحظنتها رفعت ايدينها عن وجها وكنت اشوف الانكسار بيها ..

سمر : نور هاي ايدج ضربيني
نور : كنت اني الخاسرة بنص هذا كله اني الوحيدة خسرت
ما انسى نظراتهم الي من ضربتيني كنت اشوف بوجوهم
الانتصار زين ليش ضربتيني شفتي شكالي ها سمر مو هوه كالي انتي مو بنتي زين ليش سمر هوه كال انتي مو بنتي لعد اني بنت منو ياهوه ابويه
سمر : انتي اختي واذا ماما امج اني ابوج وتنكسر ايدي اذا المسج واذيج بيها بعد
هند : نور والله ما نعرف هذا كله وكلشي نكال عبالنا بسبب المشاكل بينه وبين ماما بس من اجت ماما وتعاركت وياه بنص البيت وكدامهم كُلهم عرفنا الحقيقة
فاطمه : نور ميعرفن وانتي والله بنته مو بنت واحد ثاني
ولو هيج جان كنالج بس هوه ما يستاهلجن وراد يحرك قلب امج بهل شي
سمر : اني عرفت كُلشي وما عندي احد بهل دنيا غيرجن
سعاد : من اليوم بعد ما ينجاب طاريه بهل بيت ولا احد اريده يذكره
سمر : ماما انتهت والله كُلشي انتهى واني اسفه لان صار هيج بس والله مو قصدي نور
نور : اني ما زعلانه منج
فاطمه : خلص هاي نور ما زعلانه وتصالحتن خلونا ننسى كُلشي لخاطر سعاد
هند : اي خاله هاي هيه

بعد ما انتهى كلامنا دخلت اسبح كنت احس بـ الم براسي ودوخه بقيت انازع شعوري والاذيه النفسية الي دا اعيشها بسبب هل شي غمضت عيوني وتمنيت ابقى وحدي بدون ما احجي ويا احد ابقى بدون صوت بدون ما احد يحاجيني حرفيا جنت اتمنى ابقى وحدي ، سمعت باب الحمام يندك ..