نور

‏"بكيتُ لعدم معرفتي كيفية مساعدة نفسي"

-
‏"رأيت الإنسان يعفو عن من أحزنه، ويتجاوز عن من أغضبه؛ لكنه لن يسامح من جعله خائفًا، الخوف هدم من الداخل، تكبيل لعضلات الروح، كشف لعورة نفسية يؤلمها هبوب حتى النسمات."

حسيت بـ ماء بارد ينزل على راسي استيقض كل الالم الي بـ جسدي جروح ندبات أثاره كل شي كان ينزف دم حتى روحي ، كاعدة على الكرسي ، فاطمه كانت تحتار بـ شنو راح تبدي تضمد ما كنت اكدر احجي كلمة واضحة كل شي بيه كان متهالك ، الصدمة كانت اكبر من قدرة تحملي للي صار ، طيلة هاي السنين كانت كلمة عصبية من ماما تزعلني ، هسة صرت وحيدة بـ نظرها شخص غريب لا يعنيها ، نزعتني ملابسي او ما تبقى منها كنت اشوف اثار الحزام والدم على تيشيرتي ، ماما معقولة ما كسرت خاطرها هيه تحبني ، قاطعة افكاري وتخوفاتي انهيار فاطمه وهيه تمسح على جروحي ، ما خفت لأن صرت
غريبة بالنسبة الهم ، تلفون فاطمه ما هدأ من الإتصالات
غير مباليه لكل شي همها الوحيد تملىء جروحي ضماد
بعد ما كملت جابتلي ملابس منها ..

فاطمه : نور ما اريدج تحجين شي ولا تكولين شي
امج عليه مالج علاقة بس تهدين وتنامين ، هسة راح انطيج أبرة الالم علمود ترتاحين شويه

اخذتني للغرفة حرفيا كان كل شي بيه احسه يؤلمني
واعظم جرح كانت مشاعري الي تمزقت وانتهت
غفيت وسط كل هذا الألم غفيت بعيدة عن غرفتي وسريري ما اعرف شنو راح يصيرلي غفيت واني متمنيه اصحى من حلمي ..

كل شي مظلم كل الي محيط بيه ، ما اعرف شكد استمر الوقت بـ نومي لكن الوقت ليل الان ، كمت خايفة ومرعوبة من السرير فتحت باب الغرفة كنت بالكاد اشوف بـ عيوني ظلام ونور ضعيف

نور : ماما وين انتِ

ماكو رد ! مشيت بالممر خطوات وزاد الخوف بداخلي

نور : ماما تعالي والله خايفه مدا اشوف شي سمر ! تسمعيني تعالو وين رحتوا

سمعت صوت فاطمه وهيه تركض نحوي ..

فاطمه : نور اهدي اوكفي بمكانج
نور : خاله انتِ يمنا ماما وين
فاطمه : اهدي حبيبتي هسة تجيج
نور : ماما بيها شي ها
فاطمه : نور تعالي وياي للغرفة

دخلنا الغرفة حسيت وعيي رجعلي وتذكرت الصار

فاطمه : نوره حبيبتي اهدي اني يمج
نور : ماما ما اجت مو
فاطمه : نور بس تهدا تجيج ياعمري
نور : ولا سمر كُلهم ما يردوني مو
فاطمه : اني يمج شلج بيهم انتِ مو تحبيني
نور : اريد انام خايفه
فاطمه : اني يمج وتخافين

نمت على ايدها وهيه حاظنتني ..

فاطمه: غمضي عيونج ولا تفكرين بشي اني ما اعوفج راح انام يمج

غمضت عيوني وبدات الافكار تعيد المشهد بكل تفاصيله كنت أتألم من جسدي وكأنه بدا يخرج كل الالم دفعة واحدة تجسد هذا الشي بـ صوتي احس بـ قطرات دافئة على وجهي وكأن فاطمه انهارت مع اوجاعي استمر هذا الشي لوقت حتى نمت بلا وعي ..