نور

بعد مَا بيه حيل أتنَدم ..

"سامحني
لأنني حزينة الآن
ولأنني
لا أمتلك أيّ رغبة كي أكون بخير.
ولأن هناك
كرة كبيرة
مملوءة بالعتمة
عالقة في منتصف حلقي
ولأن وجهي
وجهي يا حبيبتي
لم يعد وجهي."

............................................................

صحيت على وقت متأخر بالكاد كنت افتح عيوني من النعاس ونحول مزعج ، كمت من سريري فتحت الضوء طلعت ملابس ودخلت للحمام دخلت تحت الماء كان
الشعور اشبه بالمخدر ما كنت افكر بـ شي نهائيا غير تساقط القطرات وهيه تخترق خصلات شعري وتنزل لاسفل رجليه بعد وقت طويل مستمتعة بهذا الشعور
سمعت صوت الباب وهوه ينطرق ..

نور كملي ونزلي اكلي ويانه "

فهمت من الصوت هاي هند ، غلقت الماء نشفت جسدي بينما انشف جسدي من الماء كنت اشوف اثار قديمة وكأني داخله بمعركة شرسة ، تجاهلت التفكير بهذا الشي كملت تنشيف وبدلت ملابسي طلعت من الحمام لغرفتي كنت امشط شعري كان المشط يخرج من شعري وهوه محمل بـ عشرات الشعر وكأنه آله تحصد
حسيت بـ حزن خلاني ابچي على اخر شي حقيقي ما لمسه الألم كنت اشوفه وهوه يوكع من بين اصابيعي
مسحت وجهي ، واني انزل درجات السلم كنت متوجهه
للحياة الي نحرمت منها فترة طويلة ، كانت صدمتي من نفسي أن ما افكر بـ شي ولا احسب لإي امر ..

سمر : نور تعالي كعدي علمود اصبلج اكل

كنت اشوف ابتسامة على وجه خاله ، كعدت مابينها وبين سمر ..

هند : ماما تأخرت
سمر : هسة اتصل عليها
فاطمه : اتصلت اني عليها قبل ما ادخل هسة
كلتلي حتتأخر علمود الايفاد مال السفر ليظل بالجن
هند : نور بيج شي
نور : لا مابيه
سمر : اروح فدوه لهل صوت تعالي ابوسج
نور : هههه
هند : شوفن شنو رأيجن بـ عيد ميلاد ماما نسويلها حفلة
سمر : عفيية خلي نخطط شتكولين خاله
فاطمه : اني وياجن يله شنسوي

كنت استمع لحديثهن وهمه يخططون شون راح يفاجئون ماما قبل متروح للسفر استمر الوقت أنهينا اكلنا وغسلنا الاطباق كنت مستعدة اصعد لغرفتي لكن خالة اصرت ابقى وياهم..

فاطمه : شوية ونروح انام ستوج كعدتي نور
سمر : ابقي نور
نور : اي

بعد مرور الدقائق سمعنا صوت الباب وهوة يفتح ..

سمر : اكيد هاي ماما
فاطمه : اي هياتها
سعاد : هلو شلونكم
هند : الله يساعدج ماما
سعاد : ويساعدج حبيبتي ، هاي شنو نور كاعدة لسه
فاطمه : اي اني خليتها تسهر ويانا
سعاد : اي زين
سمر : ماما جوعانه اسويلج شي
سعاد : لا ما اشتهي شي تعبانه
هند : ماما شنو جايبه وياج بذولي العلاليك
سعاد : ملابس وشغلات جنت محتاجتهم
هند : يعني مجايبتلي شي
سعاد : هههههه مو شتريتلج كل الي تريدي ياعمري
هند : اشاقة عيني ست سعاد
فاطمه : شنو هل سفرة المفاجئة ام سمر
سعاد : خلي ابدل واجي احجيلجن