نور

شعور حزين

صحيت من النوم الساعة ٤:١٦ حسيت بتعب والم بجسمي حاولت اكوم وانزل اشرب شي نزلت على المطبخ
ولكيت ماما كاعدة

سعاد : صح النوم نورايتي ' نور هاي شبيج وجهج ميتفسر
نور : ماما مدري شبيه
سعاد: شبيج عمري تعبانه ؟
نور : ما ادري جسمي كُله يوجعني
سعاد : تعالي كعدي يمي

كعدت يم ماما سوتلي شي اشربه حسيت شويه نفسي صحيت .

هند : نور ، سارة صديقتج تعرفين ابوها منو
نور : لا ليش !؟
هند : ابوها المستثمر مال مدرستكم
نور : هاا
سعاد : شلون عرفتي
هند : عرفت من صديقتي
نور : شلون صدفة هاي
هند : لا تصيرين غبيه
سعاد : هند ، الفاظج
هند : ماما اشاقه وياها

استمر الحديث الي ما احب اتواجد بيه نهائيا ، هند دوم حادة بالكلام ويايه وما اعرف السبب هواي حاولت اعرف لكن كل محاولاتي فشلت ، دوم چنت اشكي لماما وردها مثل العادة تغار منج لان نفس العمر ما قتنعت بجوابها ابد .

نور : ماما شنو رأيج بعطلة نصف السنة نروح للشمال بنفسي اشوف الثلج
هند : اي ماما علمود اغير جو قبل الامتحانات ، عفية نور اول مره تحجين شي يفيد
سعاد : هند ! شكلنا
هند : اشاقه هههههه تعالي نورايتي ابوسج
نور : ما اريد وخري
سعاد : اني اوافق بشرط واحد ، نور تخلين هند تبوسج والشرط الثاني درجاتج اريدهن زينات
نور : اني موافقة على الدرجات بس البوسة لا
هند : هيه بكيفج تعالي مح لخدج
سعاد : هههههه الله يحميجن حبيباتي
نور : ماما
سعاد : ها
نور : عادي نحجي وحدنا
هند : امم اسرار حلو
سعاد : ههههه قابل ما تكوليلي انتِ باسرارج كلهن اعرفهن بقت على نور خليني اعرف ، يله هند روحي لغرفتج هههه
هند : رايحه عيني رايحه الله ربكم الله يعلم شنو ناوين
سعاد : روحي عاد ام لسان ، شنو حبيبتي شبيج احجيلي
نور : ماما هوه شي بس ما اعرف شلون احجي الج
سعاد : حبيبتي احجي لا تخوفيني شصاير
نور : ما صاير شي بس حسيت أن اخيرا لكيت صديقة تخاف عليه وتحميني من كُلشي
سعاد : قصدج على سارة
نور : اي هيه وتدرين خلتني اتعرف على صديقاتها وكلش قربتني منها
سعاد : اي اني لاحظت هيه تحبج هواي وكلش تعزج ف حاولي لتخسريها
نور : اي هيج