نور

بيت سارة

كانت الساعة ٥ فجراً اغلقت تلفوني عيوني يحركني من النعاس احساس بالعطش نزلت حتى اشرب مي اسمع صوت واحد يحجي هند! شمكعدها بهيج وقت اكيد جاي تراجع تقربت من الصوت الي جاي من المطبخ ..

سعاد : انتن ثنينجن بناتي وعيب الي سويتي
هند : ماما بس فهيني اني ما اكرهه بس ما ادري شبيه
سعاد : هند تبطلين سوالف الجهال عيب اختج اصغر منج بـ هواي هسة لو عرفت انتِ مسويه هيج وياها شلون راح يكون ردة فعلها
هند : الله يخليج ماما لا تكولين كوليلها لكيتها واكعه شي والله مو قصدي اسوي هيج شي

هنا فهمت الحدث الي صار حسيت بغصه بقلبي ليش تسوي هيج ؟ جان هذا السؤال الي مدا الكاله جواب دخلت عليهن وسط نظراتهن بالصدمة من شوفتي بهيج وقت وتخيلت هنه فكرن أن عرفت بـ الموضوع..

سعاد : نور شبيج ليش كعدتي من هسة عمري
نور :تدرين هند اني ابد ما اكرهج عكس شعورج تجاهي
ابد ما حاولت اجرحج بـ تصرف لو اقلل من وجودج ويانا بس انتِ دوم تاذيني بكلامج دوم تفشليني من احجي لو حتلو ساكته اني ما زعلانه منج بالعافيه عليج وحتى ما البسها الكلاده بعد

سمعتها هذا الكلام وسط ذهول ماما اول مره احجي بهل طريقه تركتهم ورحت لغرفتي صعدت ورايه ماما ..

سعاد : نور حبيبتي شبيج ليش هيج حجيتي اختج لاكيتها وضامتها عدها
- باوعت لماما بنظرة حسيتها ندمت لان حجت هل كلام
نور: ماما ما يهمني اني الهدية ولا فلوس الدنيا ولا كُلشي اني تشوفيني فرحانه ولا زعلانه

حظنتني ماما حجت ويايه علمود ما احس بـ التصرف الي سوته هند حاولت انام وفعلا نمت صحيت الساعة ٨:٣٠ ناسية كل الي صار ولا مهتمه لان افعال هند مو جديده عليه اختاريت ملابسي ودخلت اسبح ، اثناء ما اني بالحمام سمعت صوت ماما وهيه تصيحني ..

سعاد : نور كملي بساع علمود اسوي شعرج
نور : اي ماما بس ربع ساعه واطلع
سعاد : حبيبتي ربع ساعه تغسلين مرتين بهل وقت
نور : لا دا اسوي ، ماما روحي لتحاجيني هسة مشغوله
سعاد : ههههه رايحه

كملت من الشمع والتنظيف غسلت مره ثانيه بالمي نشفت جسمي عدنا مرآة كبيرة بالحمام وكفت كدامها كان جسدي واضح بالكامل إمام المرآة واني اشوف اجزاء جسمي ، يمتى راح يبقن هيج صغار ! لازم استخدم شي واكبرهن ! لبست ملابسي ولفيت شعري بالمنشفه وطلعت لماما حتى تسوي شعري ..

سعاد : نور تعالي
نور : ماما لتبوسين ادغدغ
سعاد : فيش ياريحتج
نور : اي اي سوي شعري وبوسي هواي بعدين

كعدت بـ حظن ماما وسوت شعري خليت من عطري المفضل بهل اثناء وصلت خاله ام سارة سلمت على ماما وتفقن أن ترجعني ورا العشه وافقت ماما وصعدت ويا خاله ورحنا نجيب رسل ونروح لبيتهم اثناء الطريق ام سارة حجت ويايه علمود سارة ..

ام سارة : نور حبيبتي عندي موضوع وياج بس يبقى بينه
نور : اي خاله عادي طبعا
ام سارة : نور اني اعرف سارة تحبج هواي وتعتبرج اقرب صديقة الها واكثر من رسل هماتين اريدج تنتبهين عليها لان نفسيتها تعبانه بسبب المشاكل اني وصيتها لرسل وهسه عود اكلج بما أن انتِ قريبه منها
نور : اكيد خاله بدون متوصين اني حسوي هيج
ام سارة : اي حبيبتي فدوه تعرفين ما عندي احد غيرها
نور : الله يحميها خاله وتفرحين بنجاحها
ام سارة : حبيبتي وياكم كلكم افرح بيكم