نور

جوهرة القصر

وأني أخافُ أن يتأمل أحدٌ عيناكِ بطريقتي.

الشعور الأكثر تناقض على القلب هوه الغيرة الي تحولنا لاكثر بشر شرير وبنفس اللحظة ارحم الخلق ..

صحيت من النوم على صوت ماما ..

سعاد : كعدي نوري حتى انطيج ريوك علمود العلاج

صحيت غسلت وجهي وبعدني خايفه على ايدي واحس بـ الم بيها لكن كنت حريصه عليها نزلت لـ ماما كانت منتظرتني على الطاولة ..

سعاد : شلونج اليوم حبيبتي
نور : الحمدلله ماما زينه
سعاد : ايدج ظهرج
نور : ميأذوني بس فكي شويه
سعاد : سوده عليه ياروحي ميخالف الدكتور كال بمرور الايام يرجع طبيعي
نور : انشاء الله
سعاد : هسة اكلي حتى انطيج علاجج

اثناء اكلي كنت ما متعودة على الاكل بأيدي اليسرى  لاحظت ماما هل شي وكلتني هيه ،ولازم اشرب الحليب كامل علمود عظامي
كانت نظرات ماما الي فرحانه واني اكمل اكلي وتشوفني بكامل صحتي ، اخذت علاجي ..

نور : ماما حروح اشوف فلم بـ الصاله
سعاد : ماشي حبيبتي اني اكمل لبسي واروح للدوام
نور : تمام

ودعتني ماما وراحت لدوامها حسيت بـ ملل لان وحدي وكلها بـ الدوام رايحه شتاقيت لسارة هسة اكيد بـ الدوام ويا البنات متونسات واني وحدي يالله شسوي بعد مرور نصف ساعه سمعت الجرص ، حاولت امشي بهدوء علمود ظهري وايدي فتحت باب المطبخ على الحديقة ومن وراء الباب البنات جايات عزه كلهن رحت سريع امشي

سارة : لاا نور علكيفج

وصلت للباب فتحته سارة ونرجس وتبارك ورسل ياروحي شكد فرحت بوستهم ودخلن للبيت دخلنا للصاله كعدنا وحيل فرحت لان اجن يمي لابسات ملابس المدرسة عزه شاردات ..

نور : شاردات مو هههههه
سارة : اي والله نن
رسل : غير نجي نونسج ياعيني هههه
تبارك : مشتاقينلج نوغه
نور : يبعد روحي واني هم والنبي
نرجس : يمج كل يوم هههه
رسل : صدك نور جوعانه اني
سارة : يا يوم موجوعانه ست رسل
نور : هههههه كومي سوي ريوك
تبارك : اني هم وياج يله نرجس

كامن البنات يسون ريوك وبقيت ويا سارة كاعدين تقربت مني خليت راسي بحظنها باستني بـ راسي وبشفتي عيونها جانن مثل النجمات يلمعن

رسل : احم احم
نور : رسل هههههه حيوانه
سارة : شتردين قطعتي خلوتي ويا زوجتي
رسل : اوي اسفه عيني
نور : ها عمري شنو تريدين
رسل : اكلج نور شنو تحبين بـ الريوك
نور : اني اكلت ولج انتم سوو الكم
رسل : ماشي اسويلج جاي ويانه تشربين ماشي
نور : تمام
نور : سارة اريد ابدل وملابسي
سارة : ماشي حبيبتي هسة اجيبلج من غرفتج
نور : لا اصعد بس ايدي ما اكدر ابدل وحدي
سارة : اني اساعدج يله
سارة : بنات رايحه بس اساعد نور تبدل بلوزتها
تبارك : مبروك الطفل هههههه
نور : تبارك يا نعال سمعتج
تبارك : اشاقه نوغه على راحتكم ححظر الماي الدافي علمود تسبحن
سارة : انجبي ههههه والله بس ابدل الها
نرجس : صعدي صعدي معليج بيها هسة اعلمها