نور

شعور رائع

نجمةٌ في السماء وحيدة بين آلاف النجوم والكواكب ،فريدة ليس منها إثنان
نوّر الفتاة التي أحببتها .
كعدت من النوم على هاي الرسالة من سارة ، ابتسمت بدون وعي وأصابني شعور بالفرح تغلغل بأعماقي .
نور : صباح الخير سارتي
سارة : صباح النور يانوري
نور - يالله هسة شكلها دا تخجلني بردودها😭
نور : شلونج عمري
سارة : بخير وانتي قلبي
نور : اني زينه الحمدلله
سارة : شنو ستوج كعدتي
نور : اي ستوني ، وجوعانه هواي
سارة : زين لتاكلين عازمتج نروح نتريك ونمشي للمول نشوف فيلم بالسينما
نور : وين متقبل ماما ☹️
سارة : معليج خليها عليه نطيني رقمها
نور : لج والنبي متقبل ، ما اريد احرجج
سارة : اهو نور دزي ومعليج
نور - دزيتلها رقم ماما ،
بعد ربع ساعه سمعت صوت ماما تصيحني نزلت ،
سعاد : نور اتصلت عليه ام سارة وكلتلي هيه تريد تاخذكم انتِ وسارة للمول ؟
نور : اي ماما هسة كالتلي والله كتلها متقبل ماما بس هيه أصرت عليه
- شفت بعيون ماما نظرة حيرة ، تراجعت وكتلها ماما يله ما اروح عادي اصلا مالي خلك
سعاد : لا روحي بس شويه لان اخاف عليج
نور : بكيفج ماما ما اريد اروح اذا ما قابله
سعاد : لا عادي روحي تونسي ، صعدي بدلي علما يجونج
- صعدت واني فرحانه فتحت كنتوري واني احاول ارتب لبسه حلوة ، بدلت
وخليت ماما تسوي شعري ، طلعت للحديقة على المرجوحة منتظرة سارة بهل اثناء اجتي ماما انطتني فلوس كلتلي خاف تحتاجين شي عيب اطلبين منهم ،
بعد نصف ساعة وصلوا طلعت ماما وتعرفت على ام سارة وشكرتها لان حطلعني ويا سارة ، صعدنا بالسيارة جنا كاعدين اني وسارة بالخلف وام سارة تسوق ، طول الطريق جانت سارة تسولف وتحجيلي عن الامكان الي نشوفها ، بحكم اني ما اطلع هواي ،
- سارة شكد طالعه وهيه بهيج عمر لعد ماما شبيها مطلعني مثل امها
وصلنا مول بغداد ركنا السيارة ونزلنا
ام سارة : بنات انتن روحن تونسن اني حبقى كاعدة بشارع النهر انتظر صديقتي من تكملون اتصلو عليه اجيكم
- تمام
بقينه نتمشه اني وسارة بين الناس جانوا شبه قليلين لان بحكم صباح وماكو ازدحام ، اول شي رحنا لطابق المطاعم طلبنا فطائر جانن كُلش طيبات ، مقبلت سارة ادفع الحساب
سارة : عيب اني عازمتج شنو تردين ادفعين
- باوعت عليها هيج 😑
ضحكت ولزمت ايدي🥺 بقينه نتمشه بين المحلات ونشوف الملابس
وصلنا لحد طابق الي بيه السينما اشترينا بوب كورن بالجبن والخ بالكراميل ، اختارينا اماكن بنهاية المقاعد ونفتح الفلم وجنا منعرف ياهوه تالي طلع fantastic mr. fox جداً حلو واني شايفته ، صارت الاضواء ضعيفة وبدت الاحداث مال الفلم ،
- حسيت باصابيع سارة على ايدي لزمتها باوعت عليها مندمجة بالفلم بس لازمه ايدي ، فكرت هل شي بدون شعور بس بعدين بقيت تلعب باصابيعي ، الي بمكاني المفروض تفرح وشي بس اني ادغدغت😭😂
- سارة ههههه
سارة : ها ليش تضحكين هههه
نور - لج لتسوين هيج ادغدغ
سارة : احبج
نور - بقيت ساكتة وخجل سيطر عليه
سارة : نوري احبج والله ومن اول يوم شفتج بيه
نور - حسيت بهل شي
سارة : اي وشنو جوابج
نور - اني هم
سارة : شنو يعني اني هم فهميني
نور - لتسوين هيج والنبي استحي
سارة : ابوسهن الي يستحن يممه
- كرصتني من خدودي وباستني بيهم
كملنا الفلم جان كلش ممتع ، طلعنا نتمشه بتجاه المحلات بالمول
سارة: نور تعالي ناخذ صور بهل مكان بيه مرايه كبيرة
نور - تمام يله
وصلنا المكان واخذنا صورة وجانت كُلش حلوة عفوية وبيها هواي شعور
صدقاً جنت اسعد انسانه بهل وقت ،
نور - سارة تعاي اكو مكان احبه بيه اشياء حلوة
سارة : يله نروح
وصلنه كشك يبيع هدايه اكسسوارات ، اجتي عيني على قلادة سألت ابو الكشك وطلبت منه قطعتين منها ، بداية الامر سارة مقبلت ادفع بس بعدين بنظرة بيبي فيس الها قبلت ،
نور- سارة ؟
سارة : ها عمري
نور : هوه احنا نحب بعض لو اعجاب
سارة : انتِ شتكولين
نور : ما اعرف بس الشي الحاسته اول مره يصيرلي
- سارة لزمت ايدي بذيج اللحظة وباستها يالله شكد حلو هل شعور احس نفسي طفل واول مره يتذوق الحلوى هوه شلون صار هيج بهل سرعة اسبوع واحد قلب حياتي ، لكن ما انكر أن سارة صار الها تأثير حلو بداخلي ، كل هل افكار والتخبطات واني كاعدة يمها انتبهت عليها صافنه عليه وعيونها بيهم لمعة مثل النجوم بـ لليلة شتاء صافية ، رديت الابتسامة واني خجلانه
سارة : نوري
نور : عيونها
سارة : احبهن
نور : سارة شنو هاي والله استحي كافي يله لتكولين هيج
سارة : تعالي ابوسهن هههههه
نور : ياا شبيج راح ننفضح
سارة : معليج تعالي لج ههههه
نور : كافي حبابه والله استحي
سارة : يمةة بنيتي
نور - جان كلامها عبارة عن حنية مستحيل اوصفها بكلمات سارة ممكن هل فرحة راح ادوملي وما انحرم منها ابد احبها هواي لازم اعترف بهل شي الها
نور : سارة يله خلي نروح لخالة تاخرنا عليها
سارة : يله تمام
رجعنا لخاله ولكيناها منتظرتنا صعدنا بالسيارة ورجعنا للبيت ، ودعتهم بعد محاولت منهم يدخلون للبيت لكن ام سارة جان عدها شغل
اول ما دخلت للبيت استقبلتني هند بتفاصيل متتفسر
هند : وين جنتي ؟
نور : طالعه ويا سارة وامها
هند : هاا ماشاءالله صرتي اطلعين بكيفج
نور : هاي شبيج مو بكيفي غير متصله على ماما ووافقت
هند : ماشي
تركتها وصعدت لغرفتي نغثيت من كلامها كُلش ، تمنيت ماما موجودة وتخليها متحاجيني هيج بس تعودت على كلامها الجارح ، راسلت سارة ردت عليه
سارة : نور بيج شي
نور : لا عمري بس ردت اطمن عليج وصلتوا
سارة : بعد شويه ونوصل البيت
نور : تمام عمري
سارة : اكيد ما بيج شي ؟
نور : اي حبيبي
سارة : زين ، شوفي الانستا نشرت ستوري صورنا بالمول
نور : اوك
- دخلت للانستا وجانت صورتي اني وسارة ستوري ومكتوب عليها
best time with the best person
- رديت على الاستوري
احبج ❤️
- بدلت ملابسي ورتاحيت شويه ،واني اتصفح بالانستا
سارة : نور وصلت راح اسبح واجيج
نور : تمام حبيبي نشفي شعرج من اطلعين
سارة : ابوس الي يهتمون بيه
نور : لج روحي 😔😂

اكتمل اليوم طبيعي بعد رجوع ماما وسألتني شلون جان يومي ، طبعا ما حجيتلها شكلتلي هند ما حبيت تصير مشكلة

.........................................
اتمنى يكون البارت يعجبكم ومثل ما وعدتكم كل يوم راح يكون بارت جديد بـ رواية ومذكرات نوّر♥️♥️