نور

!؟

أنتِ أحنّ شيء لمسني في هذا العالم القاسي.

صعدت لغرفتي واني شاردة من هند وصديقتها المخبلة
فكرت بـ عقلي يمكن ذني يفكرن يكتلنا اني وماما وسمر علمود ياخذن فلوسنا ويشردن للخارج يسون شركة ويصيرن غنيات ؟! اممم ممكن هاي شبيه مداني ليش افكر هيج ، هسة تطلع زينب إيمو ٠_٠ واقوة جريمة مسويتها بحياتها كاتله ذبانه بـ الغلط عزه معليه ختولي هيه شكلها تخوف ، كان تفكيري شارد م اعرف شسوي باجر دوامي ومبقى شي تبلش امتحانات الشهرية ، خلصت السنة بساع ، فتحت تلفوني لكيت رسالة من مجهول بـ التيلنوم ...

جنت اكدر اذيج واسحلج وافضحج كدام الطالبات كولهن بس ما اريد الوث اديه بيج اخذتي سارة مني يجي يوم واخذ روحج

بعد ما شفت الرسالة اكيد ماكو غيرها الحقيره غاده
سكرنت الرسالة ودزيتها بـ كروبنا ..

تبارك : لتهتمين كلبي وحده زباله متسوي شي
رسل : حلكها اشكه معليج نور
سارة : خلي نتشاوف واعرف شسويلها
نور : ما غثتني بس ضايجه عليها ليش هيج شايله حقد بداخلها ، رغم ممسويه شي تجاها
تبارك : معليج بيها حبيبتي تولي
رسل : لج تولي مضغوطاا هاي

بقن البنات يحجن اني تركت فوني نزلت اساعد ماما بـ العشا ..

نور : اكول ام نور
سعاد : هههه ها كولي
نور : عود اذا واحد اجاج وكلج شكد تحبين نور شتكوليله
سعاد : اممم اكله عادي احبها مثل حبي للفواكه
نور : هيج مو
سعاد : اي تعرفين اني ما احب الفواكه هواي
نور : خوش ماما وبعد ما اساعدج ورايحه
سعاد : نور تعالي ههههههههه

طلعت من المطبخ ، يعني اني تكلي احبج مثل الفواكه ماشي سمعت ماما تصيح ورايه

نور : ما ارجع عيني زعلانه ما ارجع
سعاد : تعالي ونجبي بساع
نور : هيه شنو ما اريد كوه يعني
سعاد : نوررر
نور : جايه جايه
سعاد : ليش تكلبين خلقتج بساع
نور : باعي سعاد
سعاد : اي باوعت
نور : تحبيني مثل الفواكه مو
سعاد : يعني شوفي مو مثل الفواكه مثل اممم
نور : مثل شنو حبيبي يله مثل شنو
سعاد : مثل الهوا الي اتنفسه هيج احبج وبلياج ما اتنفس
نور : ماما ليش تكولين هيج يالله والله راح تبجيني

بستها من خدودها سعاد سعادي مو سعادهم
كنت دوم احس بـ غيره من كل احد يتقرب منها عدا اخواتي طبعا ماما النعمة الي ما احب تزول عني
كملنا العشه واكلنا اني وياها وهند وصديقتها

سعاد : زينب حبيبتي عندج احد يوصلج لبيتكم
زينب : لا خاله عود هند توصلني
هند : اي ماما اني اوصلها
نور : يا ليش تخافين
سعاد : هههههه لا نور متخاف بس ونسه هيج سكتي
زينب : لا من شنو اخاف امان بس اضوج وحدي بـ الطريق

كانت هند تباعلي بـ نظرة غريبه ودها تشلع جُزء مني بـ عضه صراحة خفت بـ لحظتها يمكن اختي نعدت من هاي غريبة الاطوار دراكولا ..