نور

تره عيونها أحلى عيون مُمكن تمُر بحياتَك .

كُل شيءٍ ينتظر وقته.
‏لا وَردة تتفتّح قبلَ وقتها،
‏ولا شمسَ تشرقُ قبل وقتها
‏اِنتظرْ
‏الذي لكَ سيأتيكْ.
‏- جلال الدين الرومي

أجمل صفة ربانية لازم نتحله بيها وهيه الصبر ، ممكن البعض يكون عجول بـ كل شي يسويه لكن اني صرت مؤمنة أن كل شي حلو لابد يجي وقته وكل حزن ومأساة لازم نعيشها حتى نتجازى على صبرنا وإيمانا أن لازم نعيش الفرح مثل ما مكتوب النا ...

هيه جانت احلى من كل حلو واجمل من كل شي ممكن ينوصف بالجمال ، زهرتي أم حديقتي بالكامل ربما ! امي اخواتي او ربما الكل ، چنت اتعمد النظره الخاطفة الها لان احس بيها طعم يختلف عن ما اباع بعيونها صدقاً جنت احس بـ رهبه لمن اشوف عيونها وحدتهم ونعاسهم لمن تشوفني اتغزل بيها جانت تاخذ روحي بهل نظرات ...

أصابيعها الي اشبه بـ ريشات ناعمه ما كنت احس بيهم وهمه يفصلن شعري الى خصل ، اتمنى الوقت يستمر حتى تاخذ كل وقتها وهيه مستمتعه بهل للحظات ما اخفي على نفسي أن جنت فرحانه بـ تاثيري عليها ...

بعد ما كملت وبالأحرى لمن حسيت لابد تتوقف حتى ما تستنزف طاقتها كنت ناوية شي اعظم نطلق جموحنا بيه ...

نور : حبيبتي خلي ننزل لجوه

رسل : ها شكلتي

نور : هههه شبيج ننزل لجوه

رسل : لالا قبلها

نور : حبيبتي !

رسل : بعد كوليها بعد بعد

نور : لا البت خربانه كلشش

رسل : نجبي هههههه بس حبيتها لمن تكوليها

نور : شلون مثلا اكولها

رسل : هيج ناعمه تطلع من بين شفتج مثل النوته

نور : نوته مو ! رسل خلي ننزل لا اسبحج

رسل : ها هههههه يله

نور : نسبح لو ننزل ههههه

رسل : نجبي ننزل

نزلنا جانت سمر بـ المطبخ محد بالبيت ، معقولة طالعين !

رسل : هسة شنسوي

نور : مدري بكيفج

رسل : بكيفج انتِ

سمر : لا بكيفج ولا بكيفها تعالن للمطبخ

نور : هاا !

رسل : هههههههه نسحلنا

سمر : اي والله يا ست نور تعالن يله رسل

اول مره احب شغل المطبخ بهل طريقة ، شعور يراودني بـ الخوف من المجهول خايفه فرحتي تكون وقت معين وراح ينتهي كُلشي بعدها ، معقولة
راح افقد كُلشي ، ياللهي خلصني من هل احساس المزعج كُلش كاعد يخنكني ويا كل تفكير ، حاولت اتناسى هل شعور ...