.. اخذت انفال و رحنه للسياره صعدت بالوره و انفال بالكدام ، تأخر هواي يله اجه ، صعد و حرك الستيرن ، بدون اي نقاش
.. وصلنه للبيت ، نزلنه و طبينه جانت العامله كريمه تسوي بالغده و عمتي زهره تصلي بغرفتها
دخلت للغرفه نزعت الستره و عطر دحام يفوح منها صعدتها يم خشمي و شميتها حسيت رحت لعالم ثاني هيج حلو و هادء احس بس اريد اغمض و اضل اشم بي ، طبت انفال ، بسرعه فزيت و حطيتها ع تخم اخذت ملابس و طبيت اسبح
بليل الساعه بـ 9...
كاعده بغرفه عمتي و انفال همين و كاعده تحجي لأمها شصار ويانه بالسوك ، و عمتي تسمع و تضرب ع ايدها و تكول اليوم شيخلصجن من دحام يا يمه شلون تسوي هيج
انفال : ولج روانا اكو واحد يندگ وي الضباط
روانا : ظباط ع نفسهم مو عليه
زهره : والله معليه اذا اجه دحام انتي تفاهمي ويا
روانا : تره ماسويت شي غلط لشوكت نضل نسكت يعني عادي يقبل احد يتحرش باخته؟؟!
زهره : لا يعمه بس ما يقبل بنيه تحجي ويه الزلم
روانا : بس ذوله مو زلم
..كامت تضحك و تكول والله عدج سوالف يعمه
عاد شويه و سمعت صوت السياره ، دقايق و طب دحام سلم ع امه و باس راسها و حجه وياها جم كلمه وهوه واكف
واني مدنكه بكاعي و اخاف اشيل راسي و اباوعله و صوته خشن و حاد بس يحجي جسمي وحده يصير يرجف بس ما ابين الهم
.. راد يطلع بس وكف بدون ما يدير وجهه الي كال .. روانا تعاي وراي ، وطلع من الغرفه
زهره : كومي يعمه شوفي شيريد
روانا : شعليه اني؟. انفال انتي روحي اله
انفال : كال روانا والله انضرب اذا رحت بدالج
زهره : يله وينها المساعه لسانها اطول مني
روانا : تره ما خايفه تمام راح اروح ، كمت ورحت لغرفه دفعت الباب و طبيت ، شي اكيد اول ما اطب الهوى البارد بوجهي
.. جان واكف مقابيل الجربايه نازع القميص و شامره ع جربايه وأيده ع بنطرون يريد ينزعه بس سمع صوت حركتي دار وجهه وكال
دحام : ليش اتاخرتي
روانا : درت وجهي و كلت اول شي البس قميصك
دحام : سحبت القميص و لبسته بدون ما اسد الدكم مشيت وكفت كبالها
.. شسويتي اليوم؟
روانا : شسويت
دحام : توكفين بنص الزلم و تعلين صوتج ، مفكره شي عادي السويتي؟
.. جان يحجي و مركز بعيوني ، كمل كلامه ونزلت عيونه ع شفايفي ، مستحيل بلحظتها أكدر ارد علي نظراته توتر كل الكلام تاهه ، درت وجهي للجهه الثانيه غمضت عيوني و فركت كصتي حتى اعرف ارد لان مادري شصار بيه
