خفت من ملامحه :- شواربه ثخان و عيونه حاده و حواجبه معكوده بعصبيه
دحام : ركزت ع ملامحها و بلاخص عيونها كلهن لمعه و رموشها كلش كثيفات ، بختصار عيونها يدوخن
رفست بجسمها بمعنى عوفني ، بتعدت عنها
ندكت باب الغرفه
:- حطيت اصبعي ع شفايفي و كلتلها اششششششش تقربت يم قميصي كوه دنكت علي حتى اشيله لبسته حتى اهلي ما يشوفون الجرح
تقدمت للباب و فتحتها
موسى : شنو هاذه الصياح بنص اليل
دحام : منو هاي التافهه
روانا : انته التافه ، طاب لغرفت بنيه بنص اليل ما مرباي
دحام : تقربت يمها خزرتها ، منو الما مرباي ولج؟؟
روانا : بلعت ريكي بتعدت عنه شويه ، رفعت اصبعي بوجهه وكلت شايف اذا تتكر مال التافهه اندمك عليها
يهز راسه بـ اي و مصغر عيونه وأيده ع خصره ، كال اي شسوين؟
بتعدت عنه وختلت وره عمي
رونا : عمو منو هاذه شكو طاب لغرفتي
موسى : بنتي هاذه دحام ابني و عيب هيج تحجين ويه الأكبر منج
روانا : بس عمو هوه غلط عليه
دحام : بويه طلع هاي الجاهله من غرفتي اريد انام
روانا : اااخ فرت نار صحت عليه انته الجاهل حتى ماتعرف تحجي ولا تحترم الضيوف
زهره : يله يعمه تعاي نامي يم انفال و باجر انضفلج غرفه ثانيه
روانا : ما معليه انام اهنا مو بكيفه
زهره : همست بصوت ناصي حبيبتي عيب هاذه ابن عمج شلون هيج تحجين عليه وغرفته هاي يله لخاطري حبابه
روانا : تمام عمه لخاطرج رجعت وجهت نظري اله وكلت لو ما انتي لسويتها عناد و اضل اهنا
دحام : يله يوم دخذيها عاد شهل دوخه
روانا : خزرته وطلعت طبيت لغرفت انفال جانت نايمه
راحت عمتي زهره تحطلي مخده و ترتب بالجهه الثانيه الي بصف انفال
كالت يله جاهز المكان تعاي نامي
.... رحت نمت و هيه طفت الضوه و طلعت ،
دحام : قفلت الباب و نزعت القميص طلعت علبة الادويه وكوه سيطرت وحاولت اعالج الجرح الي بضهري
تقربت يم جربايتي و شفت موبايل مشمور ع جربايه ضحكت و كلت خنشوف الحلوه شلون راح تجي و تاخذه
روانا : تذكرت موبايلي ضربت ع كصتي اووف شلون نسيته لا يا الله شلون اروح اجيبه ، يمكن هسه نام اي اكيد نام خلروح اجيبه
